పవన్ కళ్యాణ్ చేస్తున్న పిరియాడిక్ మూవీ ‘హరి హర వీరమల్లు’. క్రిష్ దర్శకత్వంలో ఈ చిత్రం తెరకెక్కుతోంది. సినిమా షూటింగ్ శరవేగంగా జరుగుతుండగా పవన్ కరోనా బారినపడటం, లాక్ డౌన్ పడటంతో షూటింగ్ ఆగిపోయింది. మళ్లీ ఎప్పుడు రీస్టార్ట్ అవుతుందో తెలీదు. అన్ని సినిమాలు జూన్ మధ్యలోకి తిరిగి సెట్స్ మీదకు వెళ్ళాలని అనుకుంటున్నాయి. అయితే పవన్ సినిమాల విషయంలోనే డౌట్. ఎందుకంటే పవన్ మూడ్ మీదే అది ఆధారపడి ఉంటుంది కాబట్టి.
రీఎంట్రీ ఇచ్ఛాక పవన్ ఏడాదిలో రెండు సినిమాలు చేయాలనే కమిట్మెంట్ పెట్టుకుని వర్క్ చేశారు. నిర్మాతలకు వరుసపెట్టి డేట్స్ ఇచ్చారు. టైట్ షెడ్యూల్స్ నడుమ ఒకేసారి రెండు సినిమాలు చేశారు. పార్టీ పనుల్ని కూడ పక్కనపెట్టి ఎక్కువ టైమ్ సినిమాల మీదే గడిపారు. ఎలాంటి డిస్ట్రబెన్స్ లేకుండా ఉంటే పవన్ ఇదే ఊపులో పనిచేసేవారే. కానీ మధ్యలో బ్రేక్ పడింది. ఈ బ్రేక్ పవన్ ఆలోచనను ఎలా మారుస్తుందో చెప్పలేం. ఇంతకుముందులా ఆయన నాన్ స్టాప్ షెడ్యూల్స్ చేస్తారో చేయరో చెప్పలేం.
ఈ కన్ఫ్యూజన్ మధ్యలోనే పవన్ అభిమానులు ‘హరి హర వీరమల్లు’ టీజర్ ఎప్పుడని అడుగుతున్నారు. పవన్ పుట్టినరోజైన సెప్టెంబర్ 2న టీజర్ వస్తుందని ఆశలు పెట్టుకుంటున్నారు. ఇదే ఇప్పుడు దర్శక నిర్మాతలకు తలనొప్పి కానుంది. పవన్ గనుక మునుపటిలా డేట్స్ ఇస్తే టీజర్ రిలీజ్ చేయగలరు. ఒకవేళ డేట్స్ ఇవ్వలేదంటే మాత్రం నిరాశ తప్పదు. కాబట్టి ఫ్యాన్స్ పెద్దగా వీరమల్లు టీజర్ మీద తొందరపడి ఆశలు పెంచుకోకపోవడమే మంచిది.