కే జి ఎఫ్ చిత్రం ద్వారా పాన్ ఇండియా స్థాయిలో ఎంతో మంచి గుర్తింపు పొందిన డైరెక్టర్ ప్రశాంత్ నీల్ దర్శకత్వంలో పాన్ ఇండియా స్టార్ హీరో ప్రభాస్ నటిస్తున్న చిత్రం సలార్. ఈ సినిమా ప్రస్తుతం షూటింగ్ పనులను జరుపుకుంటోంది. కేజిఎఫ్ వంటి బ్లాక్ బస్టర్ చిత్రాన్ని నిర్మించిన హోంబలే ఫిల్మ్స్ ఈ చిత్రాన్ని పాన్ ఇండియా స్థాయిలో భారీ బడ్జెట్ తో తెరకెక్కిస్తున్నారు. ప్రస్తుతం 30 శాతం షూటింగ్ పూర్తి చేసుకున్న ఈ సినిమా శరవేగంగా షూటింగ్ పనులు జరుపుకుంటోంది.
ఇకపోతే ఇప్పటి వరకు ఈ సినిమాకు సంబంధించి ఎలాంటి అధికారిక ప్రకటన వెలువడలేదు. ఈ క్రమంలోనే ప్రభాస్ అభిమానులు సినీ మేకర్స్ పై తీవ్రస్థాయిలో ఆగ్రహం వ్యక్తం చేస్తున్నారు. ఈ క్రమంలోనే ఇకపై ఈ సినిమాకు సంబంధించిన విషయాలన్నింటినీ వెల్లడించడం కోసం చిత్రబృందం అధికారిక ట్విట్టర్ ఖాతాను ఓపెన్ చేశారు. ‘Salaar the saga’ పేరుతో ఉన్న ఈ ట్విట్టర్ హ్యాండిల్ ద్వారా ఈ సినిమాకి సంబంధించిన అప్డేట్స్ అన్నీ విడుదల చేయనున్నారు.
— Salaar (@SalaarTheSaga) May 17, 2022
ఇకపోతే ఈ సినిమాలో ప్రభాస్ సరసన మొదటిసారిగా శృతిహాసన్ పాన్ ఇండియా స్థాయిలో నటిస్తున్నారు. కేజిఎఫ్ వంటి బ్లాక్ బస్టర్ చిత్రాన్ని తెరకెక్కించిన దర్శకుడు ప్రశాంత్ నీల్ ఈ సినిమాకి దర్శకత్వం వహించడంతో ఈ సినిమాపై భారీ అంచనాలు ఏర్పడ్డాయి. సాహో రాధేశ్యామ్ వంటి వరుసచిత్రాలు అభిమానులను నిరాశపరిచిన అప్పటికీ ప్రభాస్ అభిమానులు మాత్రం ఈ సినిమాపై ఎంతో ధీమా వ్యక్తం చేస్తున్నారు. మరి ఈ సినిమా ద్వారా అయినా ప్రభాస్ తన అభిమానులను సందడి చేస్తారా లేదా అనే విషయం తెలియాల్సి ఉంది.