Manchu Manoj: టాలీవుడ్ హీరో మంచు మనోజ్ గురించి ప్రత్యేకంగా పరిచయం అక్కర్లేదు. ఒకప్పుడు కొన్ని సినిమాలలో నటించి హీరోగా మంచి గుర్తింపు తెచ్చుకున్న మంచి మనోజ్ ఇటీవలే చాలాకాలం తర్వాత భైరవం సినిమాతో రీ ఎంట్రీ ఇచ్చిన విషయం తెలిసిందే. ఒక వైపు సినిమాలలో నటిస్తూనే మరొకవైపు ఈవెంట్స్ లో కూడా యాక్టివ్ గా పాల్గొంటున్నారు. ఇది ఇలా ఉంటే తాజాగా మంచు మనోజ్ సుందరకాండ సినిమా ప్రీ రిలీజ్ ఈవెంట్ కి గెస్ట్ గా హాజరయ్యారు.
ఈ ఈవెంట్లో మనోజ్ చేసిన వ్యాఖ్యలు సోషల్ మీడియాలో వైరల్ గా మారాయి. టాలీవుడ్ నారా రోహిత్ హీరోగా తెరకెక్కుతున్న సుందరకాండ సినిమాతో ప్రభాస్ మొదటి సినిమా హీరోయిన్ శ్రీదేవి విజయ్ కుమార్ రీ ఎంట్రీ ఇస్తున్నారు. ఈ సినిమాలో శ్రీదేవి కీలక పాత్రలో నటిస్తున్నారు. అయితే ఇన్నేళ్లయినా శ్రీదేవి అదే అందంతో అలరిస్తుండటంతో ఇటీవల బాగా వైరల్ అయింది. శ్రీదేవి కూడా ఈవెంట్ కి హాజరయింది.
తాజాగా జరిగిన సుందరకాండ సినిమా ప్రీ రిలీజ్ ఈవెంట్లో మనోజ్ మాట్లాడుతూ.. శ్రీదేవి గారు నాకు చిన్నప్పటి నుంచి తెలుసు. ఫ్యామిలీ ఫ్రెండ్స్. మేము చిన్నప్పుడు కలిసి పెరిగాము. చెన్నైలో తను పెద్ద రౌడీ. చూడటానికి చాలా సింపుల్ గా ఉంటుంది. కానీ నన్ను చిన్నప్పటి నుంచి ఎవరైనా బెదిరిస్తారు అంటే తనే. చెన్నైలో నన్ను చాలా ర్యాగింగ్ చేసింది. నేను అప్పుడు ఇన్నోసెంట్ గా ఉండేవాడిని. శ్రీదేవి ఇప్పటికి అలాగే ఫెంటాస్టిక్ గా ఉంది అని తెలిపారు. కాగా హీరోయిన్ శ్రీదేవి ఒకప్పటి స్టార్ నటుడు విజయ్ కుమార్ కూతురు. గతంలో తెలుగు పరిశ్రమ చెన్నైలో ఉన్నప్పుడు మోహన్ బాబు కూడా అక్కడే ఉండేవాళ్ళు. విజయ్ కుమార్ ఇంటి దగ్గర్లో ఉండటంతో పిల్లలుగా ఉనప్పటినుంచే శ్రీదేవి, మనోజ్ మంచి ఫ్రెండ్స్. ఆ స్నేహంతోనే మనోజ్ ఇలా సరదాగా చిన్నప్పటి విషయాలు మాట్లాడారు
Manchu Manoj: ప్రభాస్ హీరోయిన్ గురించి షాకింగ్ కామెంట్స్ చేసిన మంచు మనోజ్.. చెన్నైలో పెద్ద రౌడీ అంటూ!
