Mahesh Babu film : తెలుగు సినిమా ఆల్ టైం హ్యాండ్సమ్ హీరో ప్రిన్స్ మహేష్ బాబు హీరోగా దర్శకుడు పరశురామ్ పెట్ల తో “సర్కారు వారి పాట” అనే భారీ సినిమా చేస్తున్న సంగతి అందరికీ తెలిసిందే. ఎప్పుడు నుంచో మహేష్ బాబు అభిమానులు చాలా ఆసక్తిగా ఎదురు చూస్తున్న ఈ సినిమా ఎట్టకేలకు నిన్ననే మొత్తం షూటింగ్ ని పూర్తి చేసేసుకుంది.
గత కొన్ని రోజులు కితమే మొత్తం టాకీ పార్ట్ పూర్తి చేసుకున్న ఈ సినిమా లో మిగిలి ఉన్న ఒక్క సాంగ్ ని నిన్న శేఖర్ మాస్టర్ సారథ్యంలో తెరకెక్కించడంతో సినిమా అంతా పూర్తయింది.
మరి ఈ సాంగ్ లో మహేష్ బాబు మరియు హీరోయిన్ కీర్తీ సురేష్ లు ఇద్దరూ కూడా పాల్గొనగా కీర్తీ సురేష్ పై లేటెస్ట్ అప్డేట్ కూడా వినిపిస్తుంది.
ఈమె ఈ సినిమాకి తన సొంత డబ్బింగ్ చెప్పుకోనుండగా ఆమె ఈరోజు నుంచి స్టార్ట్ చేస్తున్నట్టు సినీ వర్గాల వారు చెబుతున్నారు. దీనితో ఈమె చివరి పని కోసం రంగంలో దిగినట్టు అయ్యింది.
అయితే ఈ సినిమాలో సముద్రఖని తదితరులు కీలక పాత్రల్లో నటించగా థమన్ ఎస్ ఎస్ సంగీతం అందిస్తున్నాడు. అలాగే మహేష్ బాబు నిర్మాణ సంస్థ మరియు మైత్రి మూవీ మేకర్స్ అలాగే 14 రీల్స్ బ్యానర్ వారు సంయుక్తంగా నిర్మాణం వహిస్తున్నారు.