హైదరాబాద్ గాంధీ భవన్‌లో శనివారం జరిగిన పొలిటికల్ అఫైర్స్ కమిటీ సమావేశంలో కాంగ్రెస్ జాతీయ అధ్యక్షుడు మల్లికార్జున ఖర్గే కీలక వ్యాఖ్యలు చేశారు. తెలంగాణలో కొందరు ఎమ్మెల్యేలు పార్టీ మార్గదర్శకాలు పాటించకుండా.. గుంపులు కట్టి ఇష్టారాజ్యంగా వ్యవహరిస్తున్నారని ఆగ్రహం వ్యక్తం చేశారు. నలుగురైదుగురు గుంపులు కడితే భయపడతారా అనుకుంటున్నారా.. ఇలాంటి వారిని నేను, రాహుల్ గాంధీ పట్టించుకోం.. అని స్పష్టం చేశారు. పార్టీ అంతర్గత ఐక్యతను కాపాడుకోవడమే లక్ష్యంగా ప్రతి ఒక్కరు క్రమశిక్షణతో వ్యవహరించాలని ఖర్గే తేల్చిచెప్పారు.
ఇదిలా ఉండగా, జడ్చర్ల ఎమ్మెల్యే అండ్రేడు అనిరుద్ రెడ్డిపై టీపీసీసీ నేతలు అసంతృప్తి వ్యక్తం చేస్తున్నారు. పార్టీ పరువుకు భంగం కలిగేలా కామెంట్లు చేశారని, ముఖ్యంగా ఆయన చేసిన ‘‘తెలంగాణలో టీడీపీ కోవర్టులు ఉన్నారు’’ అనే వ్యాఖ్యలు తీవ్ర చర్చకు దారి తీశాయి. irrigation, రోడ్ల కాంట్రాక్టుల గురించి చేసిన వ్యాఖ్యలు కూడా సెన్సిటివ్ గా మారాయి. ఈ వ్యవహారంపై పీసీసీ చీఫ్ రేవంత్ రెడ్డి స్థానంలో ప్రస్తుత చీఫ్ మహేష్ గౌడ్ క్రమశిక్షణ కమిటీకి నివేదిక ఇవ్వాలని ఆదేశించారు. సోమవారం క్రమశిక్షణ కమిటీ సమావేశంలో అనిరుద్ కు షోకాజ్ నోటీసులు అందే అవకాశం ఉంది.
తెలంగాణలో కొత్తగా కుదిరిన కాంగ్రెస్ ప్రభుత్వానికి పార్టీలోనే విభేదాలు, నేతల విపరీత వ్యాఖ్యలు పరీక్షలు పెడుతున్నాయి. ఖర్గే స్పష్టంగా పార్టీ డిసిప్లిన్‌కి పెద్దపీట వేస్తున్నారని, ఇకపై ఇలాంటి వ్యవహారాల్లో రాజీ ఉండదని ఈ వ్యాఖ్యలు చెప్పకనే చెబుతున్నాయి. అనిరుద్ వివాదం ఎక్కడి దాకా వెళ్తుందో చూడాలి.