Jr NTR In Total Confusion : ‘ఆర్ఆర్ఆర్’ సినిమాతో అనూహ్యమైన హైప్ వచ్చేసింది ఇటు ఎన్టీయార్కైనా, అటు చరణ్కైనా. ఈ ఎఫెక్ట్ తదుపరి సినిమాలపై పడే అవకాశం లేకపోలేదు. ప్రస్తుతం ఎన్టీయార్, కొరటాల శివతో సినిమా చేయాల్సి వుంది. కొరటాల మంచి డైరెక్టర్. హీరోయిజాన్ని ఎలా ఎలివేట్ చేయాలో ఆయనకి బాగా తెలుసు. అందులో ఎంతమాత్రం సందేహం లేదు.
కానీ, ఇక్కడ వచ్చిన పెద్ద చిక్కేంటంటే, ‘ఆర్ఆర్ఆర్’ సినిమాతో ప్యాన్ ఇండియా ఇమేజ్ దక్కించుకున్నాడు ఎన్టీయార్. చరణ్, రాజమౌళి.. కారణంగా ఆ ఇమేజ్ ఎన్టీయార్కి దక్కిందా అంటే ఒప్పుకుని తీరాల్సిందే.
అలా ‘ఆర్ఆర్ఆర్’తో వచ్చిన ఆ ప్యాన్ ఇండియా ఇమేజ్కి ఎలాంటి డ్యామేజ్ కలగకుండా చూసుకోవాల్సిన అతి పెద్ద బాధ్యత ఇప్పుడు ఎన్టీయార్పై వుంది. తాను చేయబోయే తదుపరి సినిమాలన్నీ, ప్యాన్ ఇండియాని దృష్టిలో పెట్టుకునే చేయాల్సి వుంది.
మరి, ప్యాన్ ఇండియా మార్కెట్ని ఎన్టీయార్ ఒక్కడే సోలోగా హ్యాండిల్ చేయగలడా.? అంతేకాదు, బడ్జెట్ విషయంలోనూ సందిగ్ధత ఏర్పడింది. కొరటాల శివ సినిమాని ఏ రేంజులో తెరకెక్కించాలనే అయోమయపు గందరగోళంలో పడిపోయాడట ఎన్టీయార్.
మరోవైపు చరణ్కి ఆ సమస్య లేదు. శంకర్ దర్శకత్వంలో చేస్తున్న సినిమాకి ప్యాన్ ఇండియా ఇమేజ్ ఆటోమెటిగ్గా దక్కుతుంది. పాపం ఎన్టీయార్ పరిస్థితే ఏమవుతుందో చూడాలిక.