Jacqueline Fernandez: బాలీవుడ్ హీరోయిన్ జాక్వెలిన్ ఫెర్నాండేజ్ గురించి మనందరికీ తెలిసిందే. సినిమాల ద్వారా మంచి గుర్తింపు తెచ్చుకున్న ఈమె తరచూ ఏదో ఒక విషయంతో వార్తల్లో నిలుస్తూనే ఉంటారు. తాజాగా ఈమె పేరు సోషల్ మీడియాలో మారుమోగుతోంది. ఆమె చేసిన పనికి ప్రేక్షకులు నెటిజెన్స్ ఆమెపై ఒకటి పొగడ్తల వర్షం కురిపిస్తున్నారు. ఆమె అరుదైన వ్యాధితో బాధపడుతున్న చిన్నారిని ఆదుకునేందుకు ముందుకు వచ్చింది.
ఏకంగా బాబు ఇంటికి స్వయంగా వెళ్లి తనతో కబుర్లు చెప్పి, ఆడించి నవ్వించే ప్రయత్నం చేసింది. అందుకు సంబంధించిన వీడియోలు ఫోటోస్ కూడా సోషల్ మీడియాలో వైరల్ గా మారింది. అందులోని బాబు తల బెలూన్ లా ఉబ్బిపోయి ఉంది. తలపై నరాలు కూడా స్పష్టంగా కనిపిస్తున్నాయి. ఈ పరిస్థితిని హైడ్రోసెఫాలస్ అని పిలుస్తారు. ఈ వ్యాధి వచ్చిన శిశువుల తల అసాధారణంగా పెద్దగా ఉంటుంది. ఈ వ్యాధితో ఒక బాలుడు బాధపడుతున్నాడని తెలిసి జాక్వెలిన్ చలించిపోయింది. వెంటనే అతడి కుటుంబాన్ని కలిసి సర్జరీ చేయిస్తానని హామీ ఇచ్చింది.
ఈ విషయాన్ని సోషల్ మీడియా ఇన్ఫ్లుయెన్సర్ హుస్సేన్ మన్సూరి వెల్లడిస్తూ జాక్వెలిన్ కు అభినందనలు తెలిపాడు. పిల్లవాడు మళ్లీ మామూలు స్థితికి వస్తాడని ఆశిద్దామని పోస్ట్ పెట్టాడు. కాగా జాక్వెలిన్ పలు స్వచ్ఛంద సంస్థలకు సహాయం చేస్తూ ఉంటుంది. మూగ జీవాల సంరక్షణ, పిల్లల చదువులు ఇలా అన్నింటికోసం పాటుపడుతూ ఉంటుంది. అలాగే శారీరక ఆరోగ్యమే కాదు మానసిక ఆరోగ్యం కూడా ఎంతో ముఖ్యమని జనాల్లో అవగాహన కల్పించేందుకు క్యాంపెయిన్స్ చేస్తూ ఉంటుంది. ప్రస్తుతం ఒకవైపు సినిమాల్లో నటిస్తూనే మరొకవైపు సేవా కార్యక్రమాలు చేస్తూ బాగానే గుర్తింపు తెచ్చుకుంటుంది ఈ ముద్దుగుమ్మ..