మెగా బ్రదర్ నాగబాబు గురించి ప్రత్యేకంగా పరిచయం చేయాల్సిన అవసరం లేదు. ఇటు వెండి తెర మీద, అటు బుల్లితరపై సందడి చేస్తూ తనకంటూ మంచి గుర్తింపు ఏర్పరచుకున్నారు. ఎన్నో సినిమాలలో ప్రధాన పాత్రలలో నటించిన నాగబాబు ఇప్పుడు బుల్లితెర రారాజుగా వెలుగొందుతున్నాడు. బుల్లితెర మీద ప్రసారం అవుతున్న ఎన్నో టీవీ షోస్ లో నాగబాబు జడ్జ్ గా వ్యవహరిస్తున్నాడు. మొదట ఈటీవీలో ప్రసారమవుతున్న జబర్దస్త్ షో కి జడ్జిగా వ్యవహరించిన నాగబాబు జబర్దస్త్ యాజమాన్యంతో ఉన్న మనస్పర్ధలు కారణంగా ఆ షో కి దూరమయ్యాడు.
ఆ తర్వాత నాగబాబు కొంతకాలం మాటీవీలో ప్రసారమైన అదిరింది అనే కామెడీ షోకి జడ్జిగా వ్యవహరించారు. అయితే కొన్ని కారణాలవల్ల ఆ షో ప్రసారం నిలిపివేశారు. ఇక గత కొంతకాలంగా నాగబాబు మాటీవీలో ప్రసారమవుతున్న కామెడీ స్టార్స్ అనే షో కి జడ్జిగా వ్యవహరిస్తున్నాడు. అయితే ఇప్పుడు ఈ షో ని కూడా సూపర్ సండెస్ పేరుతో ప్రసారం చేస్తున్నారు. ఈ క్రమంలో ఇటీవల పార్టీ చేద్దాం పుష్ప అనే కార్యక్రమాన్ని నిర్వహించారు. ఈవారం కూడా పార్టీ చేద్దాం పుష్ప 2 ఈవెంట్ ప్రసారం కానుంది . అయితే ఈ షోలో ప్రముఖ కమెడియన్ ముక్కు అవినాష్ నాగబాబుని బెదిరించి వార్నింగ్ ఇచ్చాడు.
అయితే స్కిట్ లో భాగంగా అవినాష్ తన కొడుకు కల నెరవేర్చడానికి నాగబాబుని బెదిరించాడు. ఈ క్రమంలో నాగబాబు వద్దకు వెళ్లి మిస్టర్ నాగబాబు నీ గురించి ఏమనుకుంటున్నావ్? ఆ లుక్ ఏంటి? ఏంటి అని అవినాష్ అంటుంటే అక్కడున్న వారందరూ ఒక్కసారిగ షాక్ అయ్యారు. కానీ అవినాష్ మాత్రం అలాగే సీరియస్ గా నాగబాబు వైపు చూస్తూ.. ఇది కరెక్ట్ కాదు.. అంటూ ఒక్కసారిగా నాగబాబు కాళ్ళు పట్టుకొని ఇది కరెక్ట్ అని అంటాడు. అప్పుడు అక్కడున్న వారందరూ ఒక్కసారిగ నవ్వారు. ప్రస్తుతం ఈవెంట్ కి సంబంధించిన ప్రోమో వైరల్ గా మారింది.