Biggie Of Tollywood Is Chiranjeevi : మెగాస్టార్ చిరంజీవి.. కేవలం నటుడు మాత్రమే కాదు, సినీ పరిశ్రమకి బోల్డంతమంది హీరోలనిచ్చారాయన. ఆయన కుటుంబం నుంచి నిర్మాతలు కూడా వున్నారు.
అన్నిటికీ మించి, చిరంజీవిని సినీ పరిశ్రమలో మెజార్టీ అభిమానిస్తారు. ఒకరిద్దరు ఆయన ఎదుగుదలని చూసి ఓర్వలేనితనంతో విమర్శలు చేయడం మామూలే.
కోవిడ్ నేపథ్యంలో పరిశ్రమ ఇబ్బందుల్ని గుర్తించి, పరిశ్రమలోని కార్మికుల్ని ఆదుకునేందుకు ఆయన ముందుకొచ్చారు. అంతేనా, ఇరు రాష్ట్రాల్లోని ప్రభుత్వాలతో సినీ పరిశ్రమ సమస్యల్ని చెప్పుకునేందుకు శక్తివంచన లేకుండా కృషి చేశారు. ఈ క్రమంలో కొందరి నుంచి అడ్డగోలు విమర్శల్నీ ఎదుర్కొన్నారు.
‘పరిశ్రమ పెద్ద చిరంజీవి’ అన్న గుర్తింపుని జీర్ణించుకోలేని కొందరు, ఆయన పెద్దరికాన్ని నిస్సిగ్గుగా సవాల్ చేస్తే, ‘నాకు ఆ పెద్దరికం వద్దు.. నేను పరిశ్రమ బిడ్డగా పరిశ్రమకు చేతనైనంత సాయం చేస్తా..’ అంటూ ముందడుగు వేశారు తప్ప, వెనక్కి తగ్గలేదు.
ఆంధ్రప్రదేశ్ ప్రభుత్వం సినిమా టిక్కెట్ల విషయమై మెలిక పెట్టడంతో, చిరంజీవి ఆంధ్రప్రదేశ్ ప్రభుత్వ పెద్దలతో పలుదఫాలు చర్చించారు. ముఖ్యమంత్రి సమక్షంలో చేతులు జోడించి మరీ పరిశ్రమ పడుతున్న ఆవేదనను తెలియజేశారు.
‘ఇంతలా దిగజారిపోవాలా.?’ అన్న చర్చ పరిశ్రమలో జరిగినా, ఆయన ‘పరిశ్రమ కోసం ఏం చేయడానికైనా సిద్ధమే..’ అన్నట్టుగానే మిన్నకుండిపోయారు.
ఫలితంగా, చిరంజీవి.. పరిశ్రమకు పెద్ద సాయమే చేయగలిగారు. ఆంధ్రప్రదేశ్ ప్రభుత్వం పెద్దమనసు చేసుకుంది (Biggie Of Tollywood Is Chiranjeevi). చిరంజీవి పెద్దరికానికి గౌరవమిచ్చింది.
అందుకే, తెలుగు ఫిలిం ఛాంబర్ కూడా, ‘పరిశ్రమ పెద్ద చిరంజీవే..’ అని తేల్చేసింది. సో, చిరంజీవి పెద్దరికాన్ని అడ్డగోలుగా సవాల్ చేసినవారందరికీ ఇదొక గుణపాఠం అనుకోవాలేమో.!