టాలీవుడ్, కోలీవుడ్ ఇండస్ట్రీలలో సక్సెస్ రేట్ ఎక్కువగా డైరెక్టర్లలో శంకర్ ఒకరనే సంగతి తెలిసిందే. శంకర్ కెరీర్ లోని బిగ్గెస్ట్ బ్లాక్ బస్టర్ హిట్లలో అపరిచితుడు ఒకటి. విక్రమ్ సదా హీరోహీరోయిన్లుగా నటించిన ఈ సినిమా బాక్సాఫీస్ వద్ద అంచనాలను మించి విజయాన్ని సొంతం చేసుకుంది. ఈ సినిమాలోని కొన్ని సీన్లు ప్రేక్షకులకు ఎంతగానో కనెక్ట్ అయ్యాయి. తెలుగు ప్రేక్షకులను కూడా ఈ సినిమా ఆకట్టుకుందనే సంగతి తెలిసిందే.
అయితే ఈ సినిమా రజనీకాంత్ రిజెక్ట్ చేసిన కథ కావడం గమనార్హం. మన దేశంలోని పరిస్థితులను శంకర్ కళ్లకు కట్టినట్టుగా చూపించారు. వాస్తవానికి అపరిచితుడు కథ చాలా కొత్తగా ఉంటుంది. గతంలో తెలుగులో ఏ సినిమా తెరకెక్కని మల్టిపుల్ పర్సనాలిటీ డిజార్డర్ ఆధారంగా శంకర్ ఈ సినిమాను తెరకెక్కించగా విక్రమ్ తన నటనతో ఈ సినిమాకు ప్రాణం పోశారనే చెప్పాలి.
ఒకే సినిమాలో మూడు పాత్రలలో కనిపించి విక్రమ్ మెప్పించడం గమనార్హం. సుజాత రంగనాథన్ ఈ సినిమాకు కథ అందించగా శంకర్ స్క్రీన్ ప్లే రాశారు. గరుడ పురాణం ఈ సినిమా కథలో కీలక పాత్ర పోషించింది. రజనీకాంత్ నో చెప్పడంతో శంకర్ విక్రమ్ ను కలిసి అపరిచితుడు సినిమాకు ఒప్పించారు. ఆస్కార్ వి రవిచంద్రన్ ఈ సినిమాను నిర్మించారు. ఐశ్వర్యారాయ్, సిమ్రాన్ ఈ సినిమాకు నో చెప్పడంతో సదాకు ఈ సినిమాలో ఛాన్స్ దక్కింది.
హరీష్ జైరాజ్ ఈ సినిమాకు సంగీతం అందించడం గమనార్హం. దాదాపుగా 27 కోట్ల రూపాయల బడ్జెట్ తో ఈ సినిమా తెరకెక్కింది. 2005 జూన్ 17వ తేదీన విడుదలైన ఈ సినిమా బాక్సాఫీస్ వద్ద బ్లాక్ బస్టర్ హిట్ గా నిలిచింది. రికార్డు స్థాయిలో ఈ సినిమా కలెక్షన్లను సాధించింది. ఈ సినిమా ఫ్రెంచ్ భాషలోకి డబ్ కావడం గమనార్హం. ఈ సినిమా ద్వారా ఈ సినిమాలో నటించిన నటీనటులకు, టెక్నీషియన్లకు ఎన్నో అవార్డులు వచ్చాయి.