ఐకాన్ స్టార్ అల్లు అర్జున్ సినీ కెరీర్ లోని బ్లాక్ బస్టర్ హిట్ సినిమాలలో ఆర్య సినిమా ఒకటనే సంగతి తెలిసిందే. సుకుమార్ డైరెక్షన్ లో దిల్ రాజు నిర్మాతగా తెరకెక్కిన ఈ సినిమా బాక్సాఫీస్ వద్ద సృష్టించిన సంచలనాలు అన్నీఇన్నీ కావు. అయితే ఈ సినిమాకు సీక్వెల్ గా తెరకెక్కిన ఆర్య2 సినిమా మాత్రం ప్రేక్షకుల అంచనాలను అస్సలు అందుకోలేదు. సుకుమార్ డైరెక్షన్ లో తెరకెక్కిన ఈ సినిమా 2009 సంవత్సరం నవంబర్ 25వ తేదీన విడుదలైంది.
ఈ సినిమాలో బన్నీ ఎంతో స్టైలిష్ గా నటించారు. అయితే కన్ఫ్యూజింగ్ స్క్రీన్ ప్లే ఈ సినిమాకు ఒకింత మైనస్ అయిందని చెప్పవచ్చు. ఈ సినిమాకు బాగానే కలెక్షన్లు వచ్చినా మాస్ ప్రేక్షకులకు ఈ సినిమా నచ్చలేదు. మగధీర తర్వాత కాజల్ నటించిన ఈ సినిమా భారీ అంచనాలతో థియేటర్లలో విడుదలైంది. దేవిశ్రీ ప్రసాద్ మ్యూజిక్ అందించగా ఈ సినిమాలోని పాటలు ఊహించని స్థాయిలో హిట్ అయ్యాయి.
సుకుమార్ మార్క్ కథ, కథనాలతో ఈ సినిమా తెరకెక్కగా హీరో పాత్ర విషయంలో దర్శకుడు మరిన్ని జాగ్రత్తలు తీసుకుని ఉంటే బాగుండేదని కామెంట్లు వ్యక్తమయ్యాయి. అయితే కొంతమంది అభిమానులకు మాత్రం ఈ సినిమా తెగ నచ్చేసింది. నిర్మాతలు రాజీ పడకుండా ఈ సినిమాను నిర్మించారు. ఈ సినిమాకు ఫుల్ రన్ లో 20 కోట్ల రూపాయల షేర్ కలెక్షన్లు వచ్చాయి.
తెలుగులో ఫెయిల్యూర్ అయిన ఈ సినిమా మలయాళంలో ఈ సినిమా హిట్ అయింది. ఆర్యతో ఈ సినిమాను పోల్చి చూడటం, ఆర్య2లో ఎమోషనల్ సన్నివేశాలు ప్రేక్షకులను ఆకట్టుకునేలా లేకపోవడం, హీరో పాత్ర మరీ వెరైటీగా ఉండటం, రాంగ్ టైమ్ లో రిలీజ్ చేయడం వల్ల కూడా ఈ సినిమా సక్సెస్ కాలేదు. క్రిస్మస్ కానుకగా ఈ సినిమాను రిలీజ్ చేసి ఉంటే ఈ సినిమా మరింత బెటర్ రిజల్ట్ ను అందుకుని ఉండేది.