Chanakya Niti: జీవితంలో ప్రతి ఒక్కరికి ఎన్నో కలలు ఉంటాయి. ఈ క్రమంలోనే వారి జీవిత ఆశయాలను నెరవేర్చుకోవడం కోసం ఎంతో శ్రమిస్తూ ఉంటారు. ఇదే మన జీవితంలో ఉన్నత స్థాయికి చేరుకోవాలంటే యవ్వనం ఎంతో కీలకమైనదని చెప్పాలి. యవ్వనంలో తప్పటడుగులు వేయకుండా మన లక్ష్యం వైపు దృష్టి పెట్టడం వల్ల జీవితంలో ఉన్నత స్థానాలను చేరుకోవచ్చనిచాణిక్యుడు తన నీతి గ్రంథం ద్వారా వెల్లడించారు. ఈ క్రమంలోనే యవ్వనంలో ఏ విషయాలను గుర్తుపెట్టుకోవాలో ఇక్కడ తెలుసుకుందాం…
కష్టపడి పనిచేయడం: యవ్వనంలో ఉన్నప్పుడు కష్టపడి పనిచేయడం వల్ల జీవితంలో ఉన్నత స్థానానికి చేరుకోవాలని చాణిక్యుడు నీతి గ్రంధం ద్వారా తెలిపారు. యవ్వనంలో కష్టపడి పని చేయడానికి ఏమాత్రం భయపడకూడదు ఇలా భయపడేవారు జీవితంలో ఉన్నత శిఖరాలను అధిరోహించలేరు.
సోమరితనం: సోమరితనం ఉన్నవారు జీవితంలో గెలుపు అందుకోలేరు.అందుకే యవ్వనంలో సోమరితనాన్ని వదిలేస్తే అనుకున్న లక్ష్యాలను చేరుకోవచ్చు.
జ్ఞానం సంపాదించుకోవడం: మనకు తెలిసినంతలోనే మనం ఎప్పుడు మన జీవితంలో ముందుకు వెళ్లకూడదు. జీవితంలో విజయం సాధించాలి అంటే జ్ఞానం పెంపొందించుకోవడం ఎంతో అవసరం.
సమయాన్ని వృధా చేయకూడదు: సమయం ఎంతో విలువైనది ఒకసారి వృధా అయిన సమయాన్ని తిరిగి తీసుకురాలేము.అందుకే యవ్వనంలో ఉన్నప్పుడు ఏమాత్రం సమయం వృధా చేయకుండా జీవిత లక్ష్యం వైపు అడుగులు వేస్తూ కఠినంగా శ్రమించాలి. ఇలా సమయాన్ని ఎంతో విలువైనదిగా వాడుకున్న వారు జీవితంలో ఉన్నత లక్ష్యాలను చేరుకుంటారు.