టాలీవుడ్ యంగ్ జనరేషన్ హీరోలలో ఒకరైన అఖిల్ సిసింద్రీ సినిమాతో ఏడాది వయస్సులోనే ఎన్నో సంచలన విజయాలను సొంతం చేసుకున్నారు. చిన్న వయస్సులోనే సినిమాలో ఫుల్ లెంగ్త్ రోల్ లో నటించడంతో పాటు మెప్పించడం సులువైన విషయం కాదు. అయితే అఖిల్ మాత్రం అసాధ్యమైన పనిని తన నటనతో సుసాధ్యం చేశారు. అఖిల్ నటనకు ఆ వయస్సులోనే అవార్డులు సైతం వచ్చాయి.
అఖిల్ హీరోగా కెరీర్ ను మొదలుపెట్టిన తర్వాత ఎన్నో విజయాలను సొంతం చేసుకుంటాడని ఫ్యాన్స్ భావించారు. అక్కినేని ఫ్యామిలీ హీరోలలో ఒకరైన అఖిల్ స్టార్ హీరో స్టేటస్ ను అందుకుని కెరీర్ ను కొనసాగించడం ఖాయమని కామెంట్లు వ్యక్తమయ్యాయి. అఖిల్ ప్రధాన పాత్రలో తెరకెక్కిన సిసింద్రీ సినిమా బేబీస్ డే ఔట్ అనే ఇంగ్లీష్ సినిమా ఆధారంగా తెరకెక్కింది. శివ నాగేశ్వరరావు నాగార్జున, అమలను కలిసి అఖిల్ తో సిసింద్రీ సినిమా చేయాలని భావిస్తున్నట్టు తెలిపారు.
అమల మొదట అఖిల్ సిసింద్రీ సినిమాలో నటించడానికి అస్సలు అంగీకరించలేదు. నాగ్ ఈ సినిమాకు నిర్మాతగా వ్యవహరించారు. కథలో కీలక మార్పులు చేసి ఈ సినిమాను తెరకెక్కించారు. నాగార్జున ఈ సినిమాలో నటించడంతో ఈ సినిమాకు బిజినెస్ భారీస్థాయిలో జరిగింది. అమల ఈ సినిమాలో డైరెక్ట్ గా కనిపించకపోయినా ఈ సినిమా షూటింగ్ సమయమంతా ఉన్నారు.
అమలను చూసి ఈ సినిమా అంతటా అఖిల్ ఎక్స్ ప్రెషన్లు ఇవ్వడం గమనార్హం. కోటిన్నర రూపాయల భారీ బడ్జెట్ తో ఈ సినిమా తెరకెక్కగా ఈ సినిమా రికార్డులు క్రియేట్ చేసింది. అన్ని వర్గాల ప్రేక్షకులను ఈ సినిమా ఆకట్టుకుంది. అఖిల్ గ్రీటింగ్ కార్డ్స్ ద్వారా కూడా అప్పట్లో వార్తల్లో నిలిచారు. అయితే ఇప్పుడు తనకు సూటయ్యే కథలను ఎంచుకోకపోవడం వల్ల అఖిల్ ఫెయిలవుతున్నారు. సరైన కథ దొరికితే అఖిల్ బాక్సాఫీస్ వద్ద సంచలనాలు సృష్టించడం సులువు కాదని చెప్పవచ్చు. అఖిల్ రాబోయే రోజుల్లో ఎన్ని సంచలనాలు సృష్టిస్తాడో చూడాలి