వచ్చేసింది.. పండుగల సీజన్ వచ్చేసింది. దసరా, దీపావళి పండుగలు త్వరలో రాబోతున్న తరుణంలో ప్రముఖ ఈ కామర్స్ సంస్థ ఫ్లిప్ కార్ట్ బిగ్ బిలియన్ డేస్ ను ప్రకటించింది. ఇది ఈ సంవత్సరం అతి పెద్ద సేల్.
దసరా, దీపావళి పండుగల కోసం భారీ ఆఫర్లతో ఈనెల 16 నుంచి 21 వరకు బిగ్ బిలియన్ డేస్ సేల్ ను నిర్వహించనుంది. ఆరు రోజుల పాటు ఉండే ఈ సేల్ లో భారీ డిస్కౌంట్లు ఉన్నాయి. ముఖ్యంగా ఎస్బీఐ కార్డ్స్ ఉన్నవాళ్లకు ప్రత్యేకంగా డిస్కౌంట్ లభించనుంది.
ఒకవేళ మీరు ఫ్లిప్ కార్ట్ ప్లస్ మెంబర్స్ అయితే ఈ సేల్ ను 15 వ తేదీ నుంచే పొందొచ్చు. ఇతర క్రెడిట్, డెబిట్ కార్డుల మీద నో కాస్ట్ ఈఎంఐ సౌకర్యాన్ని కూడా ఫ్లిప్ కార్ట్ కల్పిస్తోంది. ఒకవేళ పేటీఎం వ్యాలెట్, పేటీఎం యూపీఐ ఉపయోగించి కొనుగోలు చేస్తే క్యాష్ బ్యాక్ ఇవ్వనుంది.
బిగ్ బిలియన్ డేస్ సేల్ లో భాగంగా… అన్ని ఎలక్ట్రానిక్ వస్తువులు, గ్యాడ్జెట్స్, ఫర్నీచర్, హోమ్ నీడ్స్, గ్రాసరీస్ అన్నీ అందుబాటులో ఉండనున్నాయి.
ఇక.. బిగ్ బిలియన్ డేస్ సేల్ కోసం ఫ్లిప్ కార్ట్… తమ బ్రాండ్ అంబాసిడర్లుగా బిగ్ బీ అమితాబ్ బచ్చన్, విరాట్ కోహ్లీ, అలియా భట్, రణబీర్ కపూర్, మహేశ్ బాబు, సుదీప్ కిచ్చా లాంటి స్టార్లను ఎంచుకుంది.