Pawan and Prabhas : ‘భీమ్లానాయక్’ సినిమాని తొక్కేయడానికి వైసీపీ ప్రభుత్వం ఆంధ్రప్రదేశ్లో ఎలాంటి ప్రత్యేక చర్యలు తీసుకుందో ప్రత్యేకంగా చెప్పాల్సిన పనిలేదు. ‘అబ్బే, మేమెందుకు తొక్కేస్తాం.?’ అని కొందరు వైసీపీ మంత్రులు సెలవిచ్చారుగానీ, ‘భీమ్లానాయక్’ సినిమా డిజాస్టర్.. అంటూ నెగెటివ్ రివ్యూలు ఎందుకు ఇచ్చారో వాళ్ళకే తెలియాలి.
ఇక, థియేటర్ల వద్ద ప్రత్యేకంగా అధికారుల్ని మోహరించిన వైనం.. టిక్కెట్ల ధరల్ని అత్యంత కింది స్థాయికి తగ్గించేయడం.. ఇవన్నీ తెలిసిన విషయాలే.
మరి, ‘రాధేశ్యామ్’ విషయంలో ఏం చేస్తారు.? అని పవన్ కళ్యాణ్ అభిమానులు ఇప్పటిదాకా ఎదురుచూశారు. అయితే, ‘రాధేశ్యామ్’ చిత్రానికి ఆంధ్రప్రదేశ్ ప్రభుత్వం తీపి కబురు అందించింది. బహుశా ప్రభాస్, మొన్నామధ్య వైఎస్ జగన్ మోహన్ రెడ్డిని కలిసినందువల్ల కలిగిన ప్రయోజనం ఇదేనేమో.. అన్న చర్చ జరగడంలో వింతేముంది.?
‘పవన్ కళ్యాణ్ రాష్ట్ర ప్రభుత్వం ముందు సాగిలా పడలేదు.. ప్రభాస్ సహా మహేష్, చిరంజీవి.. అందరూ సాగిలా పడ్డారు..’ అంటూ పవన్ అభిమానులే కాదు, సగటు సినీ అభిమానులు సోషల్ మీడియా వేదికగా అభిప్రాయాలు వెల్లడించడం అనేది వేరే చర్చ. (Pawan and Prabhas)
సరే, అంతిమంగా ఇది సినీ పరిశ్రమకు ఊరట.. అనే ఏ సినీ అభిమాని అయినా భావిస్తాడిప్పుడు. కానీ, ‘రాధేశ్యామ్’ సినిమాపై పవన్ అభిమానులు గుస్సా అవుతున్నారనీ, ‘రాధేశ్యామ్’ సినిమాపై నెగెటివిటీ ప్రచారం చేస్తున్నారనీ.. ఓ వాదన బలంగా తెరపైకొచ్చింది. ఏ సినీ అభిమాని అయినా అలా చేస్తాడా.? అన్నదే అసలు చర్చ.
అభిమానుల్లో కొందరు దురభిమానులుంటారు.. ఏ హీరో, హీరోయిన్ విషయంలో అయినా ఇలాంటిది జరుగుతుంటుంది. సో, ‘రాధేశ్యామ్’ సినిమాని పవన్ అభిమానులు స్వాగతిస్తోంటే, కొందరు పవన్ అభిమానుల పేరుతో దుష్ప్రచారం చేయడమూ సహజమే కదా.!