Most Popular Stars: ప్రముఖ ఆర్మాక్స్ మీడియా సంస్థ గురించి మనందరికీ తెలిసిందే. ఈ సంస్థ ప్రతినెల సినిమా సెలబ్రిటీలకు సంబంధించిన రేటింగ్స్ ఇస్తూ ఉంటుంది. అలాగే ప్రతి నెల కూడా మోస్ట్ పాపులర్ స్టార్స్ జాబితాను విడుదల చేస్తూ ఉంటుంది. అందులో భాగంగానే ఎప్పటి లాగే కిందటి నెల అనగా అక్టోబర్ నెలకు సంబంధించిన మోస్ట్ పాపులర్ హీరో, హీరోయిన్ల జాబితాను వెల్లడించింది ఆర్మాక్స్ హీరోల్లో తొలి స్థానంలో రెబల్ స్టార్ నిలవగా నటీమణుల్లో సమంత టాప్ ప్లేస్ దక్కించుకుంది.
హీరో, హీరోయిన్లకు సంబంధించి టాప్ 10 ర్యాంకులను వెల్లడిస్తూ పోస్టర్స్‌ ను తన ట్విటర్‌ ఖాతాలో పోస్ట్ చేసింది ఆర్మాక్స్ మీడియా సంస్థ. అయితే మరీ అందుకు సంబంధించిన వివరాల్లోకి వెళితే.. ఎప్పటిలాగే ఈసారి కూడా రెబల్ స్టార్ ప్రభాస్ టాప్ ప్లేసులో నిలిచాడు. ప్రభాస్ తర్వాత విజయ్, షారూఖ్ ఖాన్, జూనియర్ ఎన్టీఆర్, అజిత్ కుమార్‌ తొలి ఐదు స్థానాల్లో నిలిచారు. ఆ తర్వాత వరసగా అల్లు అర్జున్‌, మహేశ్ బాబు, సూర్య, రామ్ చరణ్, సల్మాన్ ఖాన్ చోటు దక్కించుకున్నారు. ఇకపోతే హీరోయిన్ల జాబితా విషయానికి వస్తే..
ఎప్పటిలాగే ఈసారి కూడా సమంత టాప్ ప్లేస్ లో నిలిచింది. ఆ తర్వాత స్థానాల్లో ఆలియా భట్, నయనతార, దీపికా పదుకొణె, త్రిష టాప్ ఫైవ్‌ లో చోటు దక్కించుకున్నారు. వీరి తరువాత స్థానాలలో కాజల్ అగర్వాల్, శ్రద్దాకపూర్, సాయిపల్లవి, రష్మిక, కత్రినా కైఫ్‌ టాప్ టెన్‌ లో నిలిచారు. అయితే గత కొన్ని నెలలుగా చూసుకుంటే టాప్ హీరోల జాబితాలో ప్రభాస్ ఎప్పటిలాగే మొదటి స్థానంలో నిలుస్తుండగా, సమంత కూడా హీరోయిన్ లలో టాప్ లో నిలుస్తూ వస్తోంది.