ప్రముఖ టాలీవుడ్ దర్శకనిర్మాత పీఎన్ రామచంద్రారావు ఒక ఇంటర్వ్యూలో మాట్లాడుతూ జూనియర్ ఎన్టీఆర్ తో సినిమా చేయడానికి తాను ఎదురుచూస్తూ ఉన్నానని ఆ విషయం తారక్ కు వెళ్లి చెప్పానని ఆయన తెలిపారు. తాను తప్పు చేసి గొప్ప హీరోను పోగొట్టుకోలేనని చెప్పి తారక్ కోసం తాను ఎదురుచూశానని ఆయన కామెంట్లు చేశారు. జూనియర్ ఎన్టీఆర్ ఎదురుచూడాలని చెప్పిన సమయంలో తాను మరో సినిమా ఎలా చేయగలనని చెప్పుకొచ్చారు.
ఈ విధంగా మూడేళ్లు నాలుగేళ్లు గడిచిపోయాయని ఆయన చెప్పుకొచ్చారు. నేను జోకర్ లా అయ్యే పరిస్థితి ఏర్పడిందని ఆయన తెలిపారు. నా హీరో తారక్ ఎదిగిపోతున్నాడని కానీ నాకు ఛాన్స్ దక్కడం లేదని ఆయన అన్నారు. ఈ గ్యాప్ లో వేరే సినిమా చేయాలని తారక్ సూచించారని జేడీ చక్రవర్తి హీరోగా గోల్ మాల్ సినిమాను మొదలుపెట్టామని తారక్ ఆ సినిమాకు క్లాప్ కొట్టాడని ఆయన వెల్లడించారు.
దేశంలోని వేర్వేరు ప్రాంతాలలో ఆ సినిమా షూటింగ్ జరిగిందని ఆయన చెప్పుకొచ్చారు. చిన్న దర్శకులలో, చిన్న నిర్మాతలలో తాను ఒక పవర్ అని ఆయన కామెంట్లు చేశారు. అయితే ఆ సినిమా నిర్మాత మధ్యలో హ్యాండ్ ఇచ్చారని ఆయన తెలిపారు. అయితే కేఎల్ రాజు నుంచి నాకు సపోర్ట్ దొరికిందని ఆయన చెప్పుకొచ్చారు. అయితే ఈ వ్యక్తి కూడా మంచి హ్యాండ్ ఇచ్చాడని ఆయన కామెంట్లు చేశారు.
ఆ తర్వాత తాను సొంతంగా సినిమా తీశానని ఆయన చెప్పుకొచ్చారు. రిలీజ్ టైమ్ రాంగ్ కావడం వల్ల తాను నష్టపోయానని ఆయన తెలిపారు. 3 కోట్ల రూపాయలు తాను నష్టపోయానని ఆయన అన్నారు. ఆ తర్వాత జూనియర్ ఎన్టీఆర్ తో సినిమా చేయాలని ప్రయత్నించినా తనకు ఛాన్స్ దక్కలేదని పీఎన్ రామచంద్రా రావు వెల్లడించడం గమనార్హం.