సినీ ఇండస్ట్రీలో కరోనా కలకలం రేపుతోంది. ఇప్పటికే అమితాబ్, రాజమౌళి, తమన్నా, ఎస్పీ బాలసుబ్రహ్మణ్యం వంటి వాళ్లు కరోనా బారిన పడిన సంగతి తెలిసిందే కదా. అమితాబ్, రాజమౌళి,తమన్నా కరోనా నుంచి కోలుకున్నా.. ఎస్పీ బాలసుబ్రహ్మణ్యం మాత్రం కరోనా కారణంగా కన్నుమూసారు.
ఆ సంగతి పక్కన పెడితే టాలీవుడ్ స్టార్ హీరోయిన్ రకుల్ ప్రీత్ సింగ్ కరోనా బారిన పడింది. తాజాగా ఆమె చేయించుకున్న కరోనా నిర్దారణ పరీక్షలో ఆమెకు కరోనా పాజిటివ్‌గా నిర్ధారణ అయింది. ఈ విషయాన్ని రకుల్ ఇన్‌స్టాగ్రామ్ ద్వారా వెల్లడించింది. ప్రస్తుతం క్షేమంగానే ఉన్నానని తెలిపింది.
`నాకు కరోనా పాజిటివ్‌గా నిర్ధారణ అయింది. నేను ప్రస్తుతం క్వారంటైన్‌లో ఉన్నాను. ఇప్పుడు క్షేమంగానే ఉన్నాను. ప్రస్తుతం విశ్రాంతి తీసుకుంటున్నా. ఈ మధ్య నన్ను కలిసిన వారంతా కరోనా పరీక్ష చేయించుకోవాలని కోరుతున్నా. అందరూ జాగ్రత్తగా ఉండండ`ని రకుల్ పేర్కొంది.