దర్శకుడు ఎస్.ఎస్.రాజమౌళి దర్శకత్వంలో ఎంతో ప్రతిష్టాత్మకంగా తెరకెక్కిన చిత్రం త్రిబుల్ ఆర్. ఈ సినిమా పాన్ ఇండియా స్థాయిలో విడుదల ఎంతో మంచి గుర్తింపు సంపాదించుకుంది. ఇకపోతే ఈ సినిమాలో ఎన్టీఆర్ నటించిన కొమరం భీముడో పాట ఎంత ఫేమస్ అయిందో ప్రత్యేకంగా చెప్పాల్సిన పని లేదు. ఎన్నో ఎమోషన్స్ ను కనబరుస్తూ,ఎంతో మందికి స్ఫూర్తిదాయకంగా ఉన్నటువంటి ఈ పాటలో ఎన్టీఆర్ ఎంతో అద్భుతంగా నటించారని ఎన్టీఆర్ నటన పై ఎంతో మంది ప్రముఖుల ప్రశంసలు కురిపించారు.
సినిమా కథ మొత్తం కీలకంగా మలుపుతిప్పే ఈ పాటను చలాకి చంటి జబర్దస్త్ కార్యక్రమంలో చేసి చూపించారు. అయితే ఈ పాటకు బదులుగా ఈ పాటను తాగుబోతు పాటగా చిత్రీకరించి చలాకి చంటి స్కిట్ చేశారు. ఈ క్రమంలోనే ఈ వీడియో సోషల్ మీడియాలో వైరల్ గా మారింది. ఇక ఈ సందర్భంగా చలాకి చంటి ఈ పాటను పాడుతూ…విస్కీదేవాలా బ్రాండీ దేవాలా.. గ్లాసుల ఐసేసీ మాకే బొయ్యాలా.. మాకే బొయ్యాలా.. బుట్ట ప‌క్క‌నా కోడిని చూడాలా.. కోడిని దీసుకొచ్చీ కోసీ వండాలా.. సుక్క సుక్క‌కీ ముక్క ముక్క‌తో జుర్రుకోవాలా.. దొబ్బితాగాలా అంటూ తాగుబోతుల పాటగా చిత్రీకరించారు.
ఇక ఈ వీడియో ప్రస్తుతం సోషల్ మీడియాలో వైరల్ గా మారడంతో ఎంతో మంది ఎన్టీఆర్ అభిమానులు ఈ పాట పై తీవ్రస్థాయిలో ఆగ్రహం వ్యక్తం చేస్తున్నారు. ఎన్టీఆర్ ఎంతో ఎమోషనల్ గా ఎంతో స్ఫూర్తిదాయకంగా పాడిన ఈ పాటను ఇలా తాగుబోతుల పాటగా చిత్రీకరించడం ఏంటి? ఎన్టీఆర్ పాటను ఇలా అవమానపరచడం ఏంటి అంటూ పెద్దఎత్తున ఎన్టీఆర్ అభిమానులు చలాకి చంటి స్కిట్ పై ఆయన క్రియేట్ చేసిన ఈ తాగుబోతు పాట తీవ్ర స్థాయిలో ఆగ్రహం వ్యక్తం చేస్తున్నారు.