Pushpa : ఈ ఏడాది ఇండియన్ బాక్సాఫీస్ దగ్గరకి భారీ అంచనాల నడుమ వచ్చిన లేటెస్ట్ చిత్రాల్లో ఐకాన్ స్టార్ అల్లు అర్జున్ హీరోగా రష్మికా మందన్నా హీరోయిన్ గా నటించిన బిగ్ బడ్జెట్ సినిమా “పుష్ప ది రైజ్” కూడా ఒకటి. అలాగే తెలుగు నుంచి మొదటి పాన్ ఇండియన్ సినిమా ఇదే కావడంతో మరిన్ని అంచనాలు ఈ సినిమాపై నెలకొన్నాయి.
మరి వాటికి అనుకుకున్న రీతిలోనే తెలుగు రాష్ట్రాల్లో మంచి అక్యుపెన్సీ తో సినిమా మొదలైనా ఇతర భాషల్లో ఓపెనింగ్స్ పరంగా మాత్రం “పుష్ప” పై సరైన క్లారిటీ ఎవరికీ లేదు. ముఖ్యంగా అయితే హిందీ వెర్షన్ లో పుష్ప కి దారుణమైన ఓపెనింగ్స్ వస్తాయని ఆశించారు అంతా. కానీ తర్వాత పుంజుకుంటుందని టాక్ కూడా వచ్చింది.
అవన్నీ ఎంతవరకు నిజమో కానీ ఇప్పుడు పుష్ప మొదటి రోజు హిందీ వరకు వసూళ్ల వివరాలు తెలుస్తున్నాయి. ఈ సినిమాకి మొదటి రోజు అక్కడ 3.5 కోట్లు గ్రాస్ వసూలు అయ్యిందట. అయితే ఇది నిన్న వచ్చిన రెస్పాన్స్ తో పోలిస్తే చాలా ఎక్కువే అని చెప్పాలి. కానీ సౌత్ ఇండియన్ సినిమా నుంచి వెళ్లిన స్టార్ హీరోల్లో ఐకాన్ స్టార్ అదరగొట్టినట్టే అని చెప్పాలి.