బిగ్ బాస్ తెలుగు సీజన్ 4లో హాటెస్ట్ కంటెస్టెంట్ అనిపించుకున్న దివి వద్త్య, మెగాస్టార్ చిరంజీవితో నటించే అవకాశం దక్కించుకుందంటూ అప్పట్లో ప్రచారం జరిగింది. చిరంజీవి కూడా, దివికి తన సినిమాలో ఛాన్స్ ఇస్తున్నట్లు ప్రకటించారు. అదే ‘వేదాలం’ రీమేక్.
‘భోళా శంకర్’ పేరుతో తెరకెక్కనున్న ఈ సినిమా షూటింగ్ నేడు పూజా కార్యక్రమాలతో లాంఛనంగా ప్రారంభమయ్యింది. ఈ సందర్భంగా చిత్ర యూనిట్, నటీనటులు, సాంకేతిక నిపుణుల లిస్ట్ విడుదల చేసింది. అందులో, బుల్లితెర యాంకర్లు శ్రీముఖి, రష్మి గౌతమ్ కనిపిస్తున్నారుగానీ, దివి వద్త్య పేరు మాత్రం ఎక్కడా కనిపించలేదు.
ఏమైంది చెప్మా.? అని దివి అభిమానులు ఒకింత గుస్సా అవుతున్నారు. మెహర్ రమేష్ దర్శకత్వంలో ఈ ‘భోళా శంకర్’ సినిమా తెరకెక్కుతోంది. కాగా, దివి ఈ సినిమాలో నటిస్తోందనీ, కొందరి పేర్లు మాత్రమే అధికారికంగా ప్రకటించారనే మరో మాట కూడా వినిపిస్తోంది సినీ వర్గాల్లో.
ఇదిలా వుంటే, దివి పలు వీడియో సాంగ్స్, పలు ప్రకటనల్లో నటిస్తూ చాలా బిజీగా వుంది. కొన్ని సినిమాల్లోనూ ఆమెకు అవకాశాలొస్తున్నాయ్.