యాంకర్ రవి సెప్టెంబర్ 19, 1990న భారతదేశంలోని హైదరాబాద్‌లో జన్మించారు. రవి ప్రధానంగా టీవీ ఇంకా తెలుగుచిత్ర పరిశ్రమలో అతని గురించి తెలియనివారు ఎవరు ఉండరు. అతను హైదరాబాద్‌లో పెరిగిన తెలుగు విజే ఇంకా యాంకర్ కూడా. అతను తన పాఠశాలలో జరిగే కార్యక్రమాలలో యాంకర్‌గా ఉండేవాడు అలాగే ప్రజలకు కొరియోగ్రాఫి కూడా చేసేవాడు.
రవి వన్ షో, డీ జూనియర్స్, సర్కస్ ఫ్యామిలీ, మొండి మొగుడు పెంకి పెళ్లాం, కిరాక్, అలీ టాకీ వంటి అనేక టీవీ షోలకు హోస్ట్‌గా పనిచేశాడు. రవి ఆంధ్రప్రదేశ్ తెలంగాణ అయిన తెలుగు రాష్ట్రాల్లో అత్యంత ప్రజాదరణ పొందిన యాంకర్. రవి ఇప్పుడు షోలకు తోడుగా సినిమా రంగంలోకి కూడా అడుగుపెట్టాడు. తెలుగులో రవి ఇది మా ప్రేమ కథ అనే సినిమా ద్వారా వెండితెరకు పరిచయమయ్యాడు.
అయోధ్య కార్తీక్ ఈ చిత్రానికి దర్శకుడు. యాంకర్ రవి తన యాంకరింగ్ తో అందరినీ అలరించాడు. అతనికి హీరోలతో సమానంగా మంచి ఫ్యాన్ ఫాలోయింగ్ ఏర్పడింది. దీనితో యాంకర్ రవికి సినిమా అవకాశాలు వచ్చాయి. తన సినిమాల ప్రమోషన్స్ భాగంగానే
ఓటీటీ షోలో పాల్గొనడం జరిగింది. ముందుగా విడుదలైన ఎపిసోడ్ టీజర్‌లో యాంకర్ రవి ఒక ఆసక్తికర ప్రకటన చేశారు.
మెగాస్టార్ చిరంజీవి అతనికి ఇష్టమైన గురువు అని చెప్పాడు. అంతే కాకుండా అతనికి ఇండస్ట్రీలో ఎవరు పరిచయం లేదనీ చెప్పుకుంటూ వచ్చాడు. సినిమా ప్రపంచంలోకి ప్రవేశించడానికి తనకు అతిపెద్ద ప్రేరణలలో ఒకరైన మెగాస్టార్ చిరంజీవిపై తన ప్రేమను కురిపించే అవకాశాన్ని రవి ఎప్పుడూ వదులుకోలేదు. యాంకర్ రవి చిరంజీవి అతని తమ్ముడు అయిన పవన్ కళ్యాణ్ గురించి మాట్లాడుతూ స్టార్ మా ఛానల్ లాంచ్‌లో చిరంజీవిని కలిశానని, మెగాస్టార్ తన యాంకరింగ్‌ను మెచ్చుకుంటూ బిగ్ స్క్రీన్‌ ఆరంగేట్రం గురించి అడిగాడని అందరికీ తెలిపాడు.
అయితే తన సినిమా మోషన్ పోస్టర్ విడుదల కోసం ఐదు రోజుల తర్వాత చిరంజీవి వద్దకు వెళ్ళి ఆయన చేతుల మీదుగా విడుదల చేయడం జరిగింది. అది చిరంజీవి ఆశీస్సులుగా యాంకర్ రవి భావించాడని చెప్పాడు. ఇండస్ట్రీలో సర్వసాధారణంగా వచ్చే ప్రతికూల వ్యాఖ్యలను పట్టించుకోవద్దని, స్పందించవద్దని చిరంజీవి తనకు సూచించారని అతను అన్నాడు. ఏళ్ల తరబడి ప్రజలను అలరిస్తున్న చిరంజీవి, పవన్ కళ్యాణ్ లాంటి పెద్ద నటులను ట్రోల్ చేస్తున్న మీడియాను యాంకర్ రవి తప్పుబట్టాడు.
ఆ షోలో భాగంగా రవి తన జీవితంలో ఇద్దరు ముఖ్యమైన వ్యక్తుల త్రోబాక్ చిత్రాన్ని పంచుకున్నాడు. వారిలో ఒకరు కళల పట్ల తనకున్న మక్కువను వారసత్వంగా పొందిన వ్యక్తి అయితే, మరొకరు కళలలో రాణించడానికి ఇంకా ప్రపంచంలో పైకి రావడానికి ప్రేరణనిచ్చిన వ్యక్తి అని తెలిపాడు. వాళ్లిద్దరికి ఎప్పుడు రుణపడి ఉంటానని రవి అన్నాడు. వారు మరెవరో కాదు.. అతని అమ్మమ్మ ఇంకా రెండో వ్యక్తి చిరంజీవి అని ఎంతో గర్వంగా ఉందని అందరికీ తెలియజేశాడు. ప్రస్తుతం యాంకర్ రవి పలు షో లలో బిజీగా ఉన్నాడు