బిగ్ బాస్ షోలో అభిజిత్ మోనాల్ మధ్య జరగుతున్న కోల్డ్ వార్ గురించి అందరికీ తెలిసిందే. మోనాల్ డబుల్ గేమ్, మాటలు మార్చడం వంటివి నచ్చకపోవడంతో అభిజిత్ మోనాల్‌కు దూరంగా ఉంటున్నాడు. అయితే మోనాల్ గురించి అప్పుడప్పుడు హారిక, లాస్య, నోయల్‌తో ముచ్చటించేవాడు. ఆ విషయాలను అభిజిత్ మోనాల్‌తో కూడా చర్చించేవాడు. ఇదే విషయాన్ని మోనాస్ సిస్టర్ అభిజిత్‌కు స్వీట్ వార్నింగ్ ఇస్తూ చెప్పింది. దీనిపై సోషల్ మీడియాలో పెద్ద ఎత్తున చర్చ నడుస్తోంది. ఫ్యామిలీ టచ్‌లో భాగంగా కంటెస్టెంట్లను చూడటానికి వచ్చిన ఇంటి సభ్యులందరూ కూడా మంచి విషయాలే చెప్పారు. ఎవ్వరూ కూడా నెగెటివ్ పాయింట్స్ చెప్పనేలేదు.
అందరూ బాగా ఆడుతున్నారు. బాగానే ఉన్నారంటూ అందరూ చెప్పారు. కానీ మోనాల్ సిస్టర్ హెమాలి మాత్రం అభిజిత్‌ను కించపరిచేలా మాట్లాడింది. కనీసం అందరినీ ప్రేమగా కూడా పలకరించలేదు. పైగా మోనాల్ బాగా ఆడుతోందని కలరింగ్ ఇచ్చింది. బయట నా గురించి అఖిల్ గురించి ఏమైనా తప్పుగా వెళ్తోందా? అని మోనాల్ అడిగితే కూడా అంతగా సమాధానం చెప్పకుండా దాటవేసే ప్రయత్నం చేసింది. అంతా బాగానే ఉంది అని కవర్ చేసింది.
అయితే అభిజిత్‌కు మాత్రం చిన్న ఝలక్ ఇచ్చే ప్రయత్నం చేసింది. ఏదైనా ఉంటే ముందే మాట్లాడాడు.. అంది మంచైనా చెడైనా సరే అని అభికి కౌంటర్ వేసింది. దీంతో అఖిల్ సోహెల్ మోనాల్ లోలోపల సంబరపడినట్టున్నారు. అవినాష్ అరియానా కూడా ఈ విషయంపై చర్చించారు. అలా చెప్పడంపై అభిజిత్ హర్ట్ అయినట్టున్నాడు. హారిక కూడా బాగానే ఫీలైనట్టుంది. అభిజిత్ హారికలను మోనాల్ సిస్టర్ అసలు పట్టించుకోనే లేదు.