బుల్లితెరపై విపరీతమైన ఆదరణ సంపాదించుకొని అత్యధిక రేటింగ్ తో దూసుకుపోతున్న కార్యక్రమాలలో జబర్దస్త్ కార్యక్రమం ఒకటి.గత పది సంవత్సరాల నుంచి ఎంతోమంది కమెడియన్లను ఇండస్ట్రీకి పరిచయం చేసి,అద్భుతమైన కామెడీ షో గా దూసుకుపోతున్న ఈ కార్యక్రమానికి విపరీతమైన ఆదరణ వస్తుంది. ఇకపోతే గత కొంతకాలం నుంచి ఈ కార్యక్రమం ద్వారా గుర్తింపు సంపాదించుకున్న వారందరూ ఒక్కొక్కరుగా బయటకు వెళ్ళిపోతున్నారు. ఈ క్రమంలోనే యాంకర్ అనసూయ కూడా బయటికి వెళ్లడం అందరిని ఆశ్చర్యానికి గురిచేస్తుంది.
ఇకపోతే అనసూయ పలు సినిమాలు వెబ్ సిరీస్ ల కారణంగా ఈ కార్యక్రమం నుంచి తప్పుకుందని వార్తలు వస్తున్నాయి.ఇక అనసూయ ఈ కార్యక్రమం నుంచి వెళ్లడంతో ఈ కార్యక్రమానికి యాంకర్ గా మల్లెమాలవారు శ్రీముఖిని సంప్రదించారని తెలుస్తుంది. అయితే శ్రీముఖికి ఇది మొదటిసారి కాదు జబర్దస్త్ కార్యక్రమానికి యాంకర్ గా రెండుసార్లు అవకాశం వచ్చిన తాను ఈ అవకాశాన్ని వదులుకుంది. అయితే ఎంతో పాపులర్ అయిన ఈ కామెడీ షోకు యాంకరింగ్ చేసే అవకాశం వచ్చిన శ్రీముఖి ఎందుకు రిజెక్ట్ చేశారు అనే విషయానికి వస్తే..
ఈ కార్యక్రమం ప్రారంభమైన మొదట్లో ముందుగా ఆ అవకాశం శ్రీముఖిని వెతుక్కుంటూ వెళ్ళింది. అయితే ఈ కార్యక్రమం పెద్దగా సక్సెస్ కాకపోవచ్చన్న ఉద్దేశంలో శ్రీముఖి ఈ కార్యక్రమాన్ని రిజెక్ట్ చేసింది.అయితే ప్రస్తుతం ఈ కార్యక్రమం ఎంతో విజయాన్ని అందుకున్నప్పటికీ అనసూయ వెళ్ళిన తర్వాత ఆ అవకాశం తిరిగి ఈమెకే వచ్చింది. అయితే ప్రస్తుతం శ్రీముఖి వరస బుల్లితెర కార్యక్రమాలతో ఎంతో బిజీగా ఉండడమే కాకుండా ఈమెకు డిమాండ్ కూడా భారీగా పెరిగింది.దీంతో శ్రీముఖి డిమాండ్ చేసిన రెమ్యూనరేషన్ మల్లెమాలవారు ఇవ్వకపోవడంతో రెండోసారి కూడా ఆ అవకాశాన్ని మిస్ చేసుకున్నట్లు తెలుస్తోంది.