Pooja Hegde: దక్షిణాది సినీ ఇండస్ట్రీలో ఎంతో మంచి గుర్తింపు సంపాదించుకుని బాలీవుడ్ చిత్రాల్లో నటించే అవకాశాలను తగ్గించుకుంటూ వరుస సినిమాలతో దూసుకుపోతున్న నటి పూజా హెగ్డే గురించి ప్రత్యేకంగా చెప్పాల్సిన పనిలేదు. ప్రస్తుతం ఈమె వరుస చిత్రాల్లో నటిస్తూ బిజీగా ఉన్నారు. అదేవిధంగా ఈమె నటించిన రాధేశ్యామ్, ఆచార్య సినిమాలు విడుదలకు సిద్ధంగా ఉన్నాయి. ఇలా వరుస చిత్రాలతో ఎంతో బిజీగా ఉన్న పూజా హెగ్డే తాజాగా మరో అవకాశాన్ని అందుకున్నారు.
ఈ క్రమంలోనే ఈ ముద్దుగుమ్మ బాలీవుడ్ స్టార్ హీరో అమితాబ్ బచ్చన్ కలిసి నటించే అవకాశాన్ని దక్కించుకుంది. అమితాబ్ బచ్చన్ తో కలిసి నటించాలనే కోరిక ఉన్న పూజా హెగ్డేకు తన కోరిక నెరవేరిందని చెప్పాలి. అయితే అమితాబ్ బచ్చన్ తో కలిసి ఈమె సినిమాలలో కాకుండా ఒక ఒక కూల్ డ్రింక్ కంపెనీకి సంబంధించిన యాడ్ లో నటించారని తెలుస్తోంది.
ఈ క్రమంలోనే ఈ యాడ్ కి సంబంధించిన ఈ వీడియోని సోషల్ మీడియాలో షేర్ చేయడంతో ఈ వీడియో కాస్త వైరల్ గా మారింది.ఇకపోతే పూజా హెగ్డే ఈ విధంగా అయినా అమితాబ్ బచ్చన్ తో కలిసి నటించే అవకాశం వచ్చిందని బుట్ట బొమ్మ తెగ సంబర పడుతున్నట్లు తెలుస్తోంది. ఇక ఈమె సినిమాల విషయానికి వస్తే…తమిళంలో స్టార్ హీరో అజిత్ తో కలిసి ‘బీస్ట్ ‘ చిత్రంలో నటిస్తోందీ. అదేవిధంగా బాలీవుడ్ ఇండస్ట్రీలో రణవీర్ సింగ్ తో కలిసి ‘ సర్కస్’ పేరుతో రూపొందుతున్న చిత్రంలో కూడా నటించే అవకాశాన్ని దక్కించుకున్నారు.