ఇప్పుడు బిగ్ బాస్ సీజ‌న్ 4 సెన్సేష‌న్ సోహెల్ పేరు తెలియ‌ని వారు లేరంటే అతిశ‌యోక్తి కాదు. బిగ్ బాస్ హౌజ్‌లోకి అడుగుపెట్ట‌క‌ముందు మ‌నోడు ప‌లు సినిమాలు, సీరియ‌ల్స్ చేసిన పెద్దగా గుర్తింపు రాలేదు. కాని బిగ్ బాస్ టాప్ 3 కంటెస్టెంట్ గా బ‌య‌ట‌కు వచ్చే స‌రికి సోహెల్‌కు జ‌నాలు నీరాజ‌నాలు ప‌డుతున్నారు. అత‌నిపై తెగ ప్రేమ కురిపిస్తున్నారు. కొద్ది రోజులుగా ప‌లు ఇంట‌ర్వ్యూలు, ర్యాలీల‌తో బిజీ బిజీగా ఉన్న సోహెల్ రీసెంట్‌గా త‌న చెల్లెలి పెళ్లి జ‌రిపించాడు. అట్టహాసంగా జ‌రిగిన ఈ పెళ్లి వేడుక‌కు త‌న తోటి బిగ్ బాస్ కంటెస్టెంట్, క్లోజ్ ఫ్రెండ్ అఖిల్‌ని ఆహ్వానించాడు.
బిగ్ బాస్ హౌజ్‌లో ఉన్న‌న్ని రోజులు అఖిల్, సోహైల్‌లు గుడ్ ఫ్రెండ్షిప్ మెయింటైన్ చేశారు. ఎన్ని గొడ‌వ‌లు అయిన చివ‌రికి ఇద్ద‌రు క‌లిసిపోయేవారు. బ‌య‌ట‌కు వ‌చ్చిన త‌ర్వాత కూడా ఇది మొయింటైన్ చేస్తున్నారు. అయితే సోహెల్ చెల్లి పెళ్లి వేడుక‌కు ముఖ్య అతిథిగా వ‌చ్చిన అఖిల్ అక్క‌డి వారంద‌రిని న‌వ్వుకుంటూ ప‌ల‌క‌రించాడు. అంతేకాదు అడిగిన వారికి లేద‌న‌కుండా సెల్ఫీ ఇచ్చాడు. చివ‌రికి అఖిల్, సోహెల్, మెహబూబ్ కూడా గ్రూప్ ఫోటో దిగారు. ఈ ఫోటో నెటిజ‌న్స్ ని ఎంత‌గానో ఆక‌ట్టుకుంటుంది.
అఖిల్ సార్ధ‌క్ ముందుగా పెళ్లికి రాలేన‌ని చెప్పి ఆ త‌ర్వాత సెడ‌న్ స‌ర్‌ప్రైజ్ ఇవ్వ‌డంతో అంద‌రు షాక్ అయ్యారట. సోహెల్ అయితే ఫుల్ ఖుష్ అయ్యాడు. నీ యవ్వ రానన్నవ్.. మళ్లెట్ల వచ్చినవ్‌రా అంటూ ఆట పట్టించాడు . మెహబూబ్, సోహెల్, అఖిల్ మ‌ధ్య ఉన్న బాండింగ్‌ని చూసి అక్క‌డి వారు కూడా తెగ సంతోషించారు. సోహెల్‌కు ప్ర‌స్తుతం ప‌లు సినిమా ఆఫ‌ర్స్ వ‌స్తుండ‌గా, మెహబూబ్ కూడా కొన్ని ప్రాజెక్ట్స్‌కు సైన్ చేసిన‌ట్టు ఫినాలే రోజు చెప్పాడు. ఇక అఖిల్ ప‌రిస్థితి ఏంట‌న్న దానిపై క్లారిటీ లేదు. అంద‌రు ఇంట‌ర్వ్యూల‌తో ర‌చ్చ చేస్తున్నా, అఖిల్ మాత్రం బిగ్ బాస్ హౌజ్ నుండి బ‌య‌ట‌కు వ‌చ్చాక ఎక్క‌డ కూడా క‌నిపించిన దాఖ‌లాలు లేవు.