Bigg Boss Winner: బిగ్ బాస్ షో ద్వారా ఎంతో మంది గుర్తింపు తెచ్చుకున్న విషయం తెలిసిందే. అలాంటి వారిలో నటుడు కౌశల్ మంద కూడా ఒకరు. బిగ్బాస్ 2 విన్నర్ గా నిలిచి భారీగా గుర్తింపు తెచ్చుకున్నాడు కౌశల్. ఒకవైపు మోడలింగ్ ఈవెంట్స్ చేస్తూనే క్యారెక్టర్ ఆర్టిస్ట్ గా నటిస్తూ వచ్చాడు. ఇకపోతే కౌశల్ సినిమాలలో అండగా నటించకపోయినప్పటికీ సోషల్ మీడియాలో మాత్రం ఫుల్ యాక్టివ్ గా ఉంటూ తనకు సంబంధించిన ప్రతి ఒక్క విషయాన్ని అభిమానులతో పంచుకుంటూ ఉంటాడు.
ఇది ఇలా ఉంటే కౌశల్ మంద తాజాగా విడుదల అయిన కన్నప్ప సినిమాలో విష్ణు ఫ్రెండ్ క్యారెక్టర్ లో నటించిన విషయం తెలిసిందే. ఈ సినిమా మంచి సక్సెస్ అయిన సందర్భంగా కౌశల్ మంద మాట్లాడుతూ కెరియర్ మొదట్లో తాను ఎదుర్కొన్న చేదు అనుభవాల గురించి, కష్టాల గురించి చెప్పుకొచ్చారు. ఈ సందర్భంగా కౌశల్ మాట్లాడుతూ.. మోడలింగ్ ఏజెన్సీలో బాగా డబ్బులు వచ్చేవి. అప్పట్లో హైదరాబాద్ లో ఎవరూ లేరు. నేనే సినిమాల్లో మోడల్స్ ని తెచ్చేవాడ్ని. మనం వర్క్ మీద పంపించి నలుగురికి పని ఇప్పిస్తున్నా మన గురించి తప్పుగానే అనుకుంటారు. అలా అమ్మాయిలను పంపిస్తాడు అని నా గురించి బ్యాడ్ గా మాట్లాడేవాళ్ళు.
దాంతో క్యాస్టింగ్ డైరెక్టర్ మానేసి యాక్టర్ గా మారిపోయాను. జస్ట్ మోడలింగ్, మోడలింగ్ ఈవెంట్స్ చేశాను కానీ మూవీస్ కి క్యాస్టింగ్ చేయలేదు. పెళ్లి అయ్యాక నా భార్య కూడా మళ్ళీ క్యాస్టింగ్ డైరెక్టర్ గా చేయొద్దు అని చెప్పింది. నేను అది చేసి ఉంటే హైదరాబాద్ లో పెద్ద క్యాస్టింగ్ కంపెనీగా, ఇంకా పెద్దగా సెటిల్ అయి ఉండేవాడిని. జనాలు అలా అనడం నాకు నచ్చలేదు. అందుకే వదిలేసాను. రాఘవేంద్ర గారు పిలిచి నువ్వు ఇది వదలకు అని ఎంకరేజ్ చేసారు, నీ వల్ల చాలా సినిమాలకు హెల్ప్ అవుతుంది అన్నారు కానీ నేను వదిలేసాను. నా దగ్గర పనిచేసిన అసిస్టెంట్స్ కి నా దగ్గర ఉన్న ప్రొఫైల్స్ అన్ని ఇచ్చేసి వాళ్ళని చేసుకోమన్నాను అని తెలిపారు. ఈ సందర్భంగా కౌశల్ మంద చేసిన వ్యాఖ్యలు సోషల్ మీడియాలో వైరల్ గా మారాయి.