Prabhas: బాహుబలి, ఆర్ఆర్ఆర్ వంటి సినిమాలతో తెలుగు సినిమా ఖ్యాతిని ప్రపంచవ్యాప్తంగా చాటిచెప్పారు డైరెక్టర్ ఎస్ఎస్ రాజమౌళి. ఇలా తెలుగు సినిమాలు పాన్ ఇండియా లెవెల్ లో మాత్రమే కాకుండా ప్రపంచ వ్యాప్తంగా గుర్తింపు తెచ్చుకోవడంతో ఇతర భాషల నటీనటులు తెలుగులో నటించడానికి ఆసక్తిని చూపిస్తున్నారు. ముఖ్యంగా బాలీవుడ్ స్టార్స్ ఈ మధ్య కాలంలో టాలీవుడ్ లో నటించేందుకు తెగ ఇంట్రెస్ట్ చూపిస్తున్నారు.
ఇప్పటికే కల్కి సినిమాలో బిగ్ బీ అమితాబ్ బచ్చన్ నటించిన విషయం తెలిసిందే. అలాగే ఇప్పటికే చాలామంది బాలీవుడ్ హీరోయిన్ తెలుగు సినిమాలలో నటించారు. ఇక పవన్ కళ్యాణ్ హీరోగా వస్తున్న మోస్ట్ ప్రెస్టీజియస్ ప్రాజెక్టు ఓజీలో మరో బాలీవుడ్ స్టార్ ఇమ్రాన్ హష్మీ విలన్ గా నటిస్తున్నారు. కథలో కూడా చాలా ఇంపార్టెంట్ క్యారక్టర్ కావడంతో ఒప్పేసుకున్నాడట ఇమ్రాన్. ఇక యానిమల్ సినిమాతో విలన్ అవతారం ఎత్తిన బాబీ డియోల్ ఆ తరువాత బాలకృష్ణతో డాకు మహారాజ్, పవన్ కళ్యాణ్ తో హరి హర వీరమల్లు సినిమాలు చేసి మెప్పించాడు.
అయితే ఇప్పుడు మరో బాలీవుడ్ సూపర్ స్టార్ టాలీవుడ్ లో అడుగుపెట్టేందుకు సిద్ధం అవుతున్నాడట. ఆ స్టార్ మరెవరో కాదు అమితాబ్ తనయుడు అభిషేక్ బచ్చన్. డార్లింగ్ ప్రభాస్ సినిమాతో టాలీవుడ్ ఎంట్రీ ఇవ్వబోతున్నాడట. ఆ సినిమానే ఫౌజీ. సీతా రామమ్ సినిమాతో నేషనల్ వైడ్ సెన్సేషన్ క్రియేట్ చేసిన దర్శకుడు హను రాఘవపూడి ఈ సినిమాను తెరకెక్కిస్తున్నాడు. సెంకండ్ వరల్డ్ వార్ నేపధ్యంలో వస్తున్న ఈ సినిమాలో ప్రభాస్ ఆర్మీ ఆఫీసర్ గా కనిపించబోతున్నాడట. అయితే ఈ సినిమాలో మరో బలమైన పాత్ర కోసం అభిషేక్ ను అప్రోచ్ అయ్యారట మూవీ మేకర్స్. కథ, తన పాత్ర చాలా నచ్చడంతో వెంటనే ఒకే చెప్పేశాడట అభిషేక్ బచ్చన్.
Prabhas: ప్రభాస్ మూవీలో బాలీవుడ్ స్టార్ హీరో.. అలాంటి పాత్రలో కనిపించబోతున్నారా!
