యంగ్ రెబల్ స్టార్ ప్రభాస్ బాహుబలి చిత్రంతో పాన్ ఇండియా హీరోగా గుర్తింపు పొందారు.ఈ చిత్రం విజయం తర్వాత ప్రభాస్ నటించిన ప్రతి ఒక్క సినిమా కూడా ఫాన్ ఇండియా స్థాయిలో విడుదల అవుతూ విశేషమైన గుర్తింపు సంపాదించుకున్నారు.ప్రభాస్ సినిమాల పరంగా గొప్ప నటుడు అయినప్పటికీ వ్యక్తిగతంగా కూడా ఎంతో మంచి మనసున్న వ్యక్తి అని చెప్పాల్సిన పని లేదు. ఈయన షూటింగ్ లో ఉంటే లొకేషన్ మొత్తం ఎంతో సందడిగా ఉంటుంది. అందరితోనూ ఎంతో చనువుగా సరదాగా మాట్లాడుతూ ఉండే ప్రభాస్ విపరీతమైన అభిమానులను సొంతం చేసుకున్నారు.
ఇకపోతే ప్రభాస్ షూటింగ్ లొకేషన్లో ఉన్నారంటే ఆ షూటింగ్ కి సంబంధించిన ఆర్టిస్టులు అందరికీ పసందైన భోజనం పెడతారని అందరికీ తెలిసిందే.వివిధ రకాల ఎంతో రుచికరమైన భోజనాన్ని అందరికీ ఇంటి నుంచి తెప్పించి పెట్టే అలవాటు ప్రభాస్ కి ఉంది. ఈ క్రమంలోనే ప్రభాస్ గురించి ఎంతో మంది సెలబ్రిటీలు సోషల్ మీడియా వేదికగా తెలియజేశారు.ఇకపోతే తాజాగా ఈయన ఒక డైరెక్టర్ కోసం ఏకంగా ఆరు అడుగుల ఎత్తు ఉండే కేక్ ఆర్డర్ చేయించి పుట్టినరోజు వేడుకలను సెలబ్రేట్ చేశారు. ఇంతకీ ఆ డైరెక్టర్ ఎవరా అనుకుంటున్నారా…
కేజిఎఫ్ సినిమాతో ప్రపంచవ్యాప్తంగా బ్లాక్ బస్టర్ సినిమాను తన ఖాతాలో వేసుకున్న డైరెక్టర్ ప్రశాంత్ నీల్ తాజాగా ఆయన పుట్టినరోజు వేడుకలు జరుపుకున్న సంగతి మనకు తెలిసిందే. ఈ పుట్టినరోజు వేడుకలలో భాగంగా ప్రభాస్ తో పాటు కెజిఎఫ్ హీరో యశ్ పాల్గొన్నారు.ఈ సందర్భంగా ప్రభాస్ డైరెక్టర్ కోసం ఏకంగా ఆరు అడుగుల కేక్ తయారు చేయించి… హ్యాపీ బర్త్ డే ప్రశాంత్ నీల్..నీవు మరెన్నో విజయాలు అందుకోవాలని కోరుకుంటున్నాను అంటూ తనకు పుట్టిన రోజు శుభాకాంక్షలు తెలియ చేయడమే కాకుండా, ఆరడుగుల కేకుతో సర్ప్రైస్ చేశారు. ఇకపోతే ప్రస్తుతం ప్రభాస్ ప్రశాంత్ నీల్ దర్శకత్వంలో సలార్ సినిమా చేస్తున్న సంగతి మనకు తెలిసిందే.