కొవిడ్ 19 (కరోనా) మహమ్మారీ వరల్డ్ ని షేక్ చేస్తున్న సంగతి తెలిసిందే. అగ్ర రాజ్యాలు అమెరికా, బ్రిటన్ ని అల్లాడిస్తోంది. అందునా బ్రిటన్ లో మొత్తం కరోనా కేసులు 2లక్షలు ఉంటే 30 వేల మంది ఇప్పటికే మృత్యువు భారిన పడ్డారు. అంతేకాదు బ్రిటన్ (యూకే) ప్రజల్ని ఇప్పుడు మరో కొత్త టెన్షన్ వెంటాడుతోంది. ఇతర దేశాల్లోలా కాకుండా అక్కడ ఎప్పటికీ అంతం కాని సరికొత్త కొవిడ్ 19 వైరస్ పుట్టుకొచ్చిందిట.
ఇది పొరుగు దేశాల నుంచి ఇంపోర్ట్ అయ్యింది. బ్రిటన్ కి వచ్చాక అది ఏకంగా 12 రకాలుగా రూపాంతరం చెందిందని విశ్లేషిస్తున్నారు. కొవిడ్ 12 డిఫరెంట్ క్వాలిటీస్ తో ప్రజల్ని ఆడుకుంటోంది. ఇక ఇందులో మొత్తం 11 రకాల వైరస్ లకు వ్యాక్సినేషన్ సాధ్యపడే వీలుంటుంది కానీ ఒక దానికి మాత్రం అసలు వ్యాక్సిన్ కనిపెట్టేందుకు ఆస్కారమే లేదని అక్కడ ఆరోగ్య శాస్త్రవేత్తలు ఆందోళన చెందుతున్నారట. అది కేవలం బ్రిటన్ బ్రాండ్ కొవిడ్ 19 అని చెబుతున్నారు. అక్కడ తప్ప ఇంకెక్కడా ఈ తరహా వైరస్ లేదు. ఇప్పటికే ఇండియాలో లేకపోయినా అమెరికా- బ్రిటన్ లో విస్త్రతంగా జన్యు స్థాయి పరిశోధనలు చేస్తున్నారు. రకరకాల దశల్లో కోవిడ్ -19 వైరస్ ఉత్పరివర్తనాలపై ఆశ్చర్యకరమైన రిపోర్టుల్ని అందిస్తున్నారు. తాజాగా 260 మంది కరోనా సోకిన రోగులను విశ్లేషించిన తరువాత UK జన్యు శాస్త్రవేత్తలు కోవిడ్ -19 తమ దేశంలో దాదాపు 12 రకాల ఉత్పరివర్తనాలతో చక్కర్లు కొడుతోందని తేల్చారు. వీటిలో ఒకటి ప్రపంచవ్యాప్తంగా ఎక్కడా కనిపించదు. ఇది UK కి మాత్రమే ప్రత్యేకమైనది. అంటే ఇది స్వదేశీ కోవిడ్ -19 వైరస్ అన్నమాట. ప్రస్తుతం అభివృద్ధి చెస్తున్న వ్యాక్సిన్లు దీనిని కట్టడి చేయలేవని సైంటిస్టులే చెబుతుంటే దేశంలోని జనం బెంబేలెత్తిపోతున్నారు మరి.