భారత్‌లో దిగిన రాఫెల్ విమానాలు.. ప్రత్యేకతలు ఎన్నో 

 

ప్రాన్స్ ఫ్రాన్స్‌కి చెందిన దసాల్ట్ ఏవియేషన్ సంస్థ నుంచి మొత్తం 36 రాఫెల్ విమానాలను కొనుగోలు చేసుకోవడానికి భారత్ ఒప్పందం చేసుకుంది.  ఈ డీల్ విలువ మొత్తం 59,000 కోట్ల రూపాయలు.  ఇప్పటికే ఒక రాఫెల్ ఇండియాకు చేరగా ఈరోజు 5 విమానాలు దిగుమతి అయ్యాయి.  ఈ విమానాలను నడిపేందుకు భారత వాయుసేనలోని 12 మంది పైలెట్లకు ఫ్రాన్స్ నందు శిక్షణ ఇచ్చారు.  ఆ శిక్షణ పొందినవారే విమానాలను ఇండియాకు తీసుకొచ్చారు.  ఐదింటిలో మూడు సింగిల్ సీటర్ జెట్ ఫైటర్లు, రెండు ట్విస్ సీటర్ ఫైటర్ జెట్స్ ఉన్నాయి.

 

ఈ విమానాల్లో బోలెడన్ని ప్రత్యేకతలు ఉన్నాయి.  ఈ విమానాలు నిర్విరామంగా 3700 కిలోమీటర్లు ప్రయాణించగలవు.  గంటకు 1389 కి.మీ వేగంతో ఇవి దూసుకెళ్లగలవు.  ఒకేసారి ఉపరితలం నుంచి ఉపరితలానికి, గగనతలం నుంచి గగనతలంలోని లక్ష్యాలను ఛేదించగల క్షిపణులను ఇవి ప్రయోగించగలవు.  ఈ విమానాల నుండి అణ్వాయుధాలను కూడా ప్రయోగించే వీలుంది.  300 కి.మీ దూరంలో ఉన్న లక్ష్యాలను ఛేదించే స్కాల్ప్ మిసైల్స్ ను ఈ విమానం ప్రయోగించగలదు.  ఈ విమానాల చేరికతో భారత వాయుసేన బలం మరింత బలపడింది.  చైనా దూకుడుకు కళ్లెం వేయడానికి ఈ విమానాలను ప్రాన్స్ నుండి ఆలస్యం కాకుండా తీసుకురావడం విశేషం.