యువకులు-యువతుల మధ్య ఆకర్షణ సహజం. అయితే కొన్ని రాశి అబ్బాయిలు మాటలతో, ప్రవర్తనతో అమ్మాయిలను సులభంగా ఆకర్షిస్తారని జ్యోతిష్య నిపుణులు చెబుతున్నారు. వాక్చాతుర్యం, హుందైన ప్రవర్తన, చమత్కారం, నిజాయితీ… ఇలా ఒక్కో రాశి వారికి ఒక్కో ప్రత్యేకత.. ఈ కథనంలో ఆ వివరాలు తెలుసుకుందాం.
మేషరాశి: ఈ రాశి కుర్రాళ్లు ఎక్కడ ఉన్నా తమ మాటలతో అమ్మాయిల మనసులు దోచేస్తారు. సరైన సమయంలో సరైన మాటలు చెప్పడం వీరి శైలీ. పొగడ్తలతో అమ్మాయిలను మెప్పించడం వీరికి ఎంతో సులభం.
మిధునరాశి: ఈ రాశి అబ్బాయిలకు మాట్లాడటంలో ఏ మాత్రం వెనకడుగు ఉండదు. వారి చమత్కారమైన మాటలు, సరళమైన ప్రవర్తన అమ్మాయిలను వీరి వైపు తిప్పేస్తాయి. సందర్భాన్ని బట్టి సానుకూలంగా మెలగడం వీరికి వస్తుంది.
తులారాశి: ఈ రాశి కుర్రాళ్లకు అందం ఒక ఆయుధం. వీరు ఎక్కువగా మాటలతో కాకుండా, హుందైన ప్రవర్తనతో ఆకర్షిస్తారు. మంచి రూపం, సుసంస్కృత ప్రవర్తన వీరికి ప్రత్యేక గుర్తింపు ఇస్తుంది.
ధనుస్సురాశి: ఈ రాశి అబ్బాయిలకు స్నేహం బలమైన ఆయుధం. ఎవరితోనైనా సులభంగా కలిసిపోతారు. పొగడ్తలతో ఇతరులను సంతోషంగా ఉంచుతారు. ఈ స్వభావం వల్ల అమ్మాయిలకు వీరి మీద ప్రత్యేక ఆకర్షణ ఏర్పడుతుంది.
సింహరాశి: అబ్బాయిలు నిజాయితీకి మారుపేరు. ప్రేమలో వీరి నిబద్ధత, అవసరం ఉన్నప్పుడు అండగా నిలిచే గుణం అమ్మాయిలకు ఎంతో ఇష్టం. కష్టకాలంలో వెంటే ఉంటానని చెప్పే గుణం వీరికి ప్రత్యేక గుర్తింపు ఇస్తుంది. (గమనిక: ఇది జ్యోతిష్యం ఆధారంగా చెప్పబడిన విశ్వాసమే. శాస్త్రీయ ఆధారాలు లేవు. ఎవరి జీవితాన్నీ ఇవి పూర్తిగా నిర్ణయించవు. ఒక్కో వ్యక్తి స్వభావం పరిసరాలపై కూడా ఆధారపడి ఉంటుంది.)