నాగ్ బ్లాక్ బస్టర్ సీక్వెల్ ని సింగిల్ షెడ్యూల్ లో కంప్లిట్ చేస్తాడా ..?

అక్కినేని నాగార్జున నటించిన సోగ్గాడే చిన్ని నాయన సినిమా ఎంతటి బ్లాక్ బస్టర్ హిట్ సాధించిందో అందరికీ తెలిసిందే. యంగ్ డైరెక్టర్ కళ్యాణ్ కృష్ణ కురసాల దర్శకత్వంలో వచ్చిన ఈ సినిమాలో నాగార్జున కి మైల్ స్టోన్ లాంటి సినిమా అని చెప్పాలి. సీనియర్ హీరోయిన్ రమ్యకృష్ణ తో పాటు యంగ్ బ్యూటి లావణ్య త్రిపాఠి ఈ సినిమాలో హీరోయిన్స్ గా నటించారు. అయితే ఈ సినిమాకి సీక్వెల్ రూపొందించాలని చాలాసార్లు అనుకుని పోస్ట్ పోన్ అవుతూ వచ్చింది.

Kannada remake of Soggade Chinni Nayana on the cards | Entertainment  News,The Indian Express

కాగా ఎట్టకేలకి ఈ సినిమా డిసెంబర్ ఫస్ట్ వీక్ నుంచి పట్టాలెక్కబోతోంది. ప్రస్తుతం బిగ్ బాస్ కి హోస్ట్ గా వ్యవహరిస్తున్న నాగార్జున నెక్స్ట్ చేయబోతున్న సినిమా సోగ్గాడే చిన్ని నాయన సీక్వెల్ బంగార్రాజు అని తెలుస్తోంది. ఈ సినిమాకి కూడా కళ్యాణ్ కృష్ణ కురసాల దర్శకత్వం వహించబోతుండగా రమ్యకృష్ణ ఈ సీక్వెల్ లోనూ నటించబోతున్నట్టు సమాచారం. ఇక నాగార్జున ఈ సినిమాని సింగిల్ షెడ్యూల్ లో కంప్లీట్ చేయబోతున్నట్టు తెలుస్తోంది.

బిగ్ బాస్ తర్వాత వరసగా సినిమాలు చేయబోతున్న కారణంగా నాగార్జున బంగార్రాజు సినిమాని 3 – 4 నెలల్లోనే రిలీజ్ చేసేలా సన్నాహాలు చేస్తున్నారట. ఇక రీసెంట్ గా నాగార్జున ప్రస్తుతం ‘వైల్డ్ డాగ్’ సినిమాని కంప్లీట్ చేశాడు. ఈ చిత్రంలో నాగ్ ఎన్ కౌంటర్ స్పెషలిస్ట్, ఎన్ఐఏ ఏజెంట్ పాత్రలో కనిపించనున్నారు. ఈ సినిమాలో బాలీవుడ్ బ్యూటీలు సయామీ ఖేర్, దియా మీర్జాలు కీలక పాత్రల్లో నటించారు. నూతన దర్శకుడు అహిషోర్ సోలోమన్ దర్శకత్వం వహించిన ఈ సినిమాని మ్యాట్నీ ఎంటర్టెయిన్మెంట్స్ పతాకంపై నిరంజన్ రెడ్డి, అన్వేష్ రెడ్డి నిర్మిస్తున్నారు.