తెలుగు చిత్ర పరిశ్రమలో హీరోగా ఎంతో పేరు ప్రఖ్యాతలు సంపాదించుకున్న హీరో ప్రభాస్ వర్షం సినిమా ద్వారా మంచి హిట్ అందుకొని టాలీవుడ్ స్టార్ హీరోల జాబితాలో చేరాడు. ఇక ఈ సినిమాలో ప్రభాస్ సరసన త్రిష నటించి సందడి చేశారు. ఈ సినిమా ద్వారా ఈ జోడి ఎంతో గుర్తింపు పొందడంతో తదుపరి సినిమాలలో కూడా వీరిద్దరు కలిసి జంటగా నటించారు.ఇకపోతే ఈ సినిమా విడుదలై 18 సంవత్సరాలు పూర్తి కావడంతో తిరిగి ఈ సినిమాని థియేటర్లలో విడుదల చేశారు.
ఈ విధంగా ఈ సినిమా థియేటర్లలో విడుదల కావడంతో ప్రభాస్ అభిమానులు ఈ సినిమాకి సంబంధించిన ఫోటోలను సోషల్ మీడియా ద్వారా షేర్ చేస్తూ పెద్ద ఎత్తున హంగామా చేస్తున్నారు. అయితే ప్రభాస్ అభిమానులు ఎవరూ కూడా త్రిష గురించి పట్టించుకోకపోవడంతో స్వయంగా త్రిష ఈ సినిమా గురించి సోషల్ మీడియా వేదికగా ఆసక్తికరమైన పోస్ట్ చేశారు. ప్రస్తుతం త్రిష షేర్ చేసిన ఈ పోస్ట్ సోషల్ మీడియాలో వైరల్ గా మారింది.
వర్షం సినిమా గురించి ఈమె సోషల్ మీడియా వేదికగా పోస్ట్ చేస్తూ..ఈ సినిమా విడుదలై 18 సంవత్సరాలు పూర్తయింది నాకైతే కొత్తగా ఈ సినిమా విడుదలైన భావన కలుగుతుంది కొన్ని సినిమాలు చిరకాలంగా అలాగే నిలిచిపోతాయి అంటూ త్రిష చెప్పుకొచ్చారు. అలాంటి సినిమాలలో వర్షం సినిమా ఒకటి అని ఈ సినిమాని ఎన్నిసార్లు చూశానో లెక్కలేదు.. చూసిన ప్రతిసారి ఈ సినిమా కొత్తగానే ఉంటుందనీ,తన సినీ కెరియర్లు ఇంత ఎదిగినందుకు సంతోషంగా ఉందని మీ అభిమానమే నన్ను స్థాయిలో నిలబెట్టింది అంటూ త్రిష వర్షం సినిమా గురించి షేర్ చేసిన ఈ పోస్ట్ వైరల్ గా మారింది.