ఏ స్టార్ హీరో అయినా సక్సెస్ లో ఉన్న సమయంలో ఉండే క్రేజ్, గుర్తింపు ఫ్లాప్ లో ఉన్న సమయంలో ఉండదనే సంగతి తెలిసిందే. టాలీవుడ్ ఇండస్ట్రీలో కొంతమంది వరుస విజయాలతో కెరీర్ ను కొనసాగిస్తుండగా మరి కొందరు హీరోలు మాత్రం వరుస ఫ్లాపులతో కెరీర్ విషయంలో ఒడిదొడుకులు ఎదుర్కొంటున్నారు. ప్రస్తుతం టాలీవుడ్ ఇండస్ట్రీ నుంచి ఎనిమిది మంది స్టార్ హీరోలు కచ్చితంగా సక్సెస్ సాధించాల్సిన పరిస్థితి ఉంది.
కచ్చితంగా సక్సెస్ ను సొంతం చేసుకోవాల్సిన టాలీవుడ్ హీరోలలో ప్రభాస్ ఒకరు. ప్రభాస్ గత సినిమాలు సాహో, రాధేశ్యామ్ బాక్సాఫీస్ వద్ద ఆశించిన స్థాయిలో విజయాన్ని అందుకోలేదనే సంగతి తెలిసిందే. ఆదిపురుష్ లేదా సలార్ సినిమాతో ప్రభాస్ సక్సెస్ ను సొంతం చేసుకుంటారేమో చూడాల్సి ఉంది. మెగాస్టార్ చిరంజీవికి సైతం గత సినిమాలైన సైరా నరసింహారెడ్డి, ఆచార్య సినిమాల ఫలితాలు షాకిచ్చాయి.
ఈ మధ్య కాలంలో నాని హీరోగా తెరకెక్కిన సినిమాలు కూడా బాక్సాఫీస్ వద్ద ఆశించిన స్థాయిలో సక్సెస్ కాలేదు. నానికి సైతం తర్వాత సినిమాలతో కచ్చితంగా సక్సెస్ ను సొంతం చేసుకోవాల్సిన పరిస్థితి అయితే ఏర్పడింది. దసరా సినిమాతో నానికి సక్సెస్ దక్కుతుందేమో చూడాల్సి ఉంది. మరో హీరో శర్వానంద్ కు కూడా ప్రస్తుతం సినిమా సక్సెస్ సాధించడం కీలకమనే సంగతి తెలిసిందే.
మరో హీరో నితిన్ కు కూడా ఈ మధ్య కాలంలో సరైన సక్సెస్ కాలేదు. మాచర్ల నియోజకవర్గం సినిమాతో ఈ హీరోకు సక్సెస్ దక్కుతుందేమో చూడాలి. గోపీచంద్ కు కూడా గత కొన్నేళ్లుగా హిట్ లేదు. హీరో విజయ్ దేవరకొండకు కూడా ఈ మధ్య కాలంలో సరైన సక్సెస్ లేదు. ఈ హీరో కూడా తర్వాత సినిమా లైగర్ తో సక్సెస్ ను సొంతం చేసుకుంటారని ఫ్యాన్స్ భావిస్తున్నారు. యంగ్ హీరో సాయిధరమ్ తేజ్ కు కూడా తర్వాత సినిమాతో సక్సెస్ సాధించాల్సిన పరిస్థితి ఏర్పడింది.