చిన్న చిన్న పాత్రలతో కమెడియన్‌ గా మొదలెట్టి ఇప్పుడు కథానాయకుడిగా కూడా సినిమాలు చేస్తున్న సుహాస్‌ ‘అంబాజీపేట మ్యారేజ్‌ బ్యాండ్‌’ అనే నూతన చిత్రంతో ప్రేక్షకుల ముందుకు వస్తున్నాడు. దీనికి నూతన దర్శకుడు దుష్యంత్‌ కటికనేని దర్శకత్వం వహిస్తున్నాడు.
తాజాగా ఈ చిత్రం ట్రైలర్‌ విడుదలైంది, ఇందులో కామెడీ, చిన్న కైమ్ర్‌, వూర్లో వుండే చిన్న చిన్న గొడవలు కలగలిపి ఒక కథగా మలిచినట్టుగా తెలుస్తోంది. సెలూన్‌ షాపు నడిపే సుహాస్‌ ఆ వూర్లో ఏమి జరిగినా అన్నిటిని తనవిూదే వేసుకొని ఎలా చిక్కుల్లో పడ్డాడు, వాటినుంచి ఎలా బయటపడ్డాడు అనే ఇతివృత్తంగా ఈ ట్రైలర్‌ చూస్తుంటే కనపడుతోంది.
ఇంతకు ముందు సుహాస్‌’కలర్‌ ఫోటో’ అనే చిత్రంలో కథానాయకుడిగా నటించి మంచి పేరు తెచ్చుకున్నాడు. ఆ సినిమాకి జాతీయ అవార్డు కూడా వచ్చింది. ఆ తరువాత ‘రైటర్‌ పద్మభూషణ్‌’, ‘మను చరిత్ర’ అనే రెండు సినిమాల్లో నటించాడు. ఇప్పుడు ఈ ‘అంబాజీపేట మ్యారేజ్‌ బ్యాండ్‌’ తో ఫిబ్రవరి 2న వస్తున్నాడు.
బన్నీవాస్‌, వెంకటేష్‌ మహా ఈ చిత్రాన్ని సమర్పిస్తున్నారు, నిర్మాత ధీరజ్‌ మొగిలినేని. సుహాస్‌ సరసన శివాని నగరం అనే అమ్మాయి కథానాయికగా చేస్తుండగా, గోపరాజు రమణ ఇంకో ముఖ్య పాత్రలో కనిపించనున్నారు. కొత్త నటులకి ఈ సినిమా ద్వారా అవకాశం కలిపించినట్టుగా కనపడుతోంది.