టాలివుడ్ రౌడీ హీరో విజయ్ దేవరకొండ కొన్ని రోజులలో లైగర్ సినిమా ద్వారా ప్రేక్షకుల ముందుకు రానున్నాడు. కొంతకాలంగా వరుస ఫ్లాప్ లు అందుకున్న విజయ్ ఈ సినిమా మీద చాలా నమ్మకం పెట్టుకున్నాడు. పూరీ జగన్నాథ్ దర్శకత్వం వహించిన ఈ సినిమా బాక్సింగ్ నేపత్యంలో తెరకెక్కింది. ఈ సినిమాలో విజయ్ కి జోడిగా అనన్య పాండే నటించింది. ఇప్పటికె ఈ సినిమా షూటింగ్ పనులు పూర్తి చేసుకుని విడుదలకు సిద్ధంగా ఉంది. ఈ క్రమంలో సినిమా ప్రమోషన్ పనులు కూడా జోరుగా సాగుతున్నాయి. సినిమా ప్రమోషన్స్ లో భాగంగా ఇప్పటికే పలు ఇంటర్వ్యూలలో పాల్గొన్న విజయ్ దేవరకొండ అనేక ప్రాంతాలలో పర్యటిస్తూ సినిమాని ప్రమోట్ చేస్తున్నాడు.
ఈ సినిమా నుండి విడుదలైన పోస్టర్స్, ట్రైలర్, టీజర్ ప్రేక్షకులను బాగా ఆకట్టుకొని సినిమా మీద అంచనాలను అమాంతం పెంచేసాయి. అంతే కాకుండా ఈ సినిమా నుండి విడుదలైన మూడు పాటలు కూడా యూట్యూబ్ లో రికార్డు స్థాయిలో వ్యూస్ సొంతం చేసుకున్నాయి. ఇదిలా ఉండగా ప్రస్తుతం సోషల్ మీడియాలో విజయ్ దేవరకొండ, అనన్య పాండే కి సంబంధించిన కొన్ని ఫోటోలు వైరల్ గా మారాయి. ఇటీవల విజయ్ దేవరకొండ ఇంట్లో పూజలు నిర్వహించినట్లు స్వయంగా సోషల్ మీడియాలో వెల్లడించాడు.
ఈ పూజా కార్యక్రమంలో విజయ్ తో పాటు హీరోయిన్ అనన్య పాండే, పూరీ జగన్నాథ్ కూడా పాల్గొన్నట్లు సమాచారం. విజయ్ కి రక్షణ కోసం తన తల్లి స్వయంగా పురోహితులను పిలిపించి పూజ చేయించినట్లు వెల్లడించాడు. అంతేకాకుండా విజయ్, అనన్యకు దిష్టి తగలకుండా రక్షణగా దిష్టి దారాల కూడా కట్టినట్లు వెల్లడించాడు. ఈ క్రమంలో విజయ్, అనన్య పాండే పురోహితుల వద్ద ఆశీర్వాదం తీసుకుంటున్న ఫోటోలతో పాటు చేతులకి రక్షణ దారాలు కట్టుకున్న ఫోటోలను కూడా సోషల్ మీడియాలో షేర్ చేస్తూ ఇప్పుడు మేము హ్యాపీ గా ప్రమోషన్ కోసం వెళ్ళవచ్చు. ఇంట్లో అమ్మ కూడా ప్రశాంతంగా ఉంటుంది అంటూ తెలియచేశాడు.ఇక ఆగస్టు 25వ తేదీన పాన్ ఇండియా లెవెల్ లో భారీ అంచనాల నడుమ విడుదల కాబోతున్న లైగర్ సినిమా కి ప్రేక్షకుల నుండి ఎలాంటి స్పందన ఉంటుందో చూడాలి మరి.