టాలీవుడ్ ఇండస్ట్రీలో సూపర్ స్టార్ గా ఎన్నో అద్భుతమైన సినిమాలలో నటిస్తూ ఎంతో మంచి పేరు ప్రఖ్యాతలు సంపాదించుకున్నారు నటుడు మహేష్ బాబు.ఈయన కృష్ణ వారసుడిగా ఇండస్ట్రీలోకి చైల్డ్ ఆర్టిస్ట్ గా ఎంట్రీ ఇచ్చి అనంతరం హీరోగా వరుస సినిమాలతో ఎంతో బిజీగా ఉన్నారు. ఇకపోతే ప్రస్తుతం మహేష్ బాబు త్రివిక్రమ్ శ్రీనివాస్ సినిమాతో బిజీగా ఉన్న విషయం మనకు తెలిసిందే ఇప్పటికే ఈ సినిమా మొదటి షెడ్యూల్ షూటింగ్ పూర్తి చేసుకుంది. అయితే మహేష్ బాబు తల్లి ఇందిరా దేవి మరణించడంతో షూటింగుకు కాస్త విరామం ఇచ్చారు.
తాజాగా ఈ సినిమాకి సంబంధించిన క్రేజీ అప్డేట్ సోషల్ మీడియాలో వైరల్ గా మారింది.మహేష్ బాబు కుమారుడు గౌతమ్ ఇదివరకే మహేష్ నటించిన సినిమాలో చైల్డ్ ఆర్టిస్ట్ గా నటించిన విషయం మనకు తెలిసిందే. అయితే సితారని కూడా త్వరలోనే ఇండస్ట్రీకి పరిచయం చేయబోతున్నారని సమాచారం. ఇప్పటికే సర్కారు వారి పాట పెన్ని సాంగ్ ప్రమోషన్ లో చేసినటువంటి సితార ఈసారి సినిమాలో నటించడానికి సూపర్ స్టార్ మహేష్ బాబు ప్లాన్ చేసినట్టు తెలుస్తోంది.
త్రివిక్రమ్ మహేష్ కాంబినేషన్లో రాబోతున్న ఈ సినిమాలో ఓ పాట పాత్ర ఎంతో హైలెట్ కానుందట ఆ పాత్రను రక్షించడానికి మహేష్ పెద్ద ఎత్తున సాహసం చేస్తారని ఆ పాత్రలో సితార నటించబోతుందని వార్తలు వస్తున్నాయి. అదేవిధంగా సితార మహేష్ బాబు మధ్య ఫన్నీ సన్నివేశాలు కూడా ఉండనున్నట్లు సమాచారం. అయితే ఈ విషయంలో ఎంతవరకు నిజం ఉందో తెలియాలంటే మేకర్స్ అధికారికంగా ప్రకటించాల్సి ఉంది. ఈ సినిమాని
హారిక హాసినీ క్రియేషన్స్ బ్యానర్‌పై రాధాకృష్ణ నిర్మించగా మహేష్ సరసన పూజా హెగ్డే హీరోయిన్‌గా నటిస్తున్నారు. ఇక ఈ సినిమాకి ఎస్ఎస్ థమన్ సంగీతం అందిస్తున్నాడు.