సోషల్ మీడియాను బాగా ఫాలో అయ్యే వారికి షణ్ముఖ్ జస్వంత్ అంటే తెలియకుండా ఉండదు. ఈయన ఎన్నో వెబ్ సిరీస్ ల ద్వారా పెద్ద ఎత్తున ప్రేక్షకులను అభిమానులను సంపాదించుకున్నారు. సాఫ్ట్ వేర్ డెవలపర్,సూర్య అనే వెబ్ సిరీస్ ల ద్వారా పెద్ద ఎత్తున ప్రేక్షకులను ఆకట్టుకున్న షణ్ముఖ్ జస్వంత్ బిగ్ బాస్ సీజన్ ఫైవ్ కార్యక్రమానికి ఎంట్రీ ఇచ్చారు. బిగ్ బాస్ ద్వారా ఎంతో గుర్తింపు సంపాదించుకున్న ఈయన కాస్త నెగిటివిటీ మూటకట్టుకున్నారు. బిగ్ బాస్ హౌస్ లో షణ్ముఖ్ జస్వంత్ కంటెస్టెంట్ సిరి తో చనువుగా ఉండటం వల్ల ఏకంగా తనతో దీప్తి సునయన లవ్ బ్రేకప్ చెప్పుకున్నారు. ఇలా లవ్ బ్రేకప్ కావడంతో కొద్దిరోజుల పాటు డిప్రెషన్ ఉన్న షణ్ముఖ్ తిరిగి ఏజెంట్ ఆనంద్ అనే వెబ్ సిరీస్ ద్వారా మరోసారి ప్రేక్షకులకు రాబోతున్నారు.
త్వరలోనే ఈ వెబ్ సిరీస్ ఆహాలో ప్రసారం కానుంది.ఈ క్రమంలోనే ఈ వెబ్ సిరీస్ ప్రమోషన్ కార్యక్రమాలలో భాగంగా ఓ ఇంటర్వ్యూలో పాల్గొన్న షణ్ముఖ పలు ఆసక్తికరమైన విషయాలను వెల్లడించారు.ఈ వెబ్ సిరీస్ తాను బిగ్ బాస్ కార్యక్రమానికి వెళ్లకముందే ఆఫర్ వచ్చిందని అయితే బిగ్ బాస్ తర్వాత చేద్దామని భావించాను.బిగ్ బాస్ ముందు కనక చేసి ఉంటే ఈ వెబ్ సిరీస్ యూట్యూబ్లో వచ్చేది అయితే బిగ్ బాస్ తర్వాత ఈ వెబ్ సిరీస్ కు ఆహా నుంచి ఆఫర్ రావడం చాలా సంతోషంగా ఉందని పేర్కొన్నారు.
బిగ్ బాస్ కి ముందు యూట్యూబ్లో చేసే నేను ప్రస్తుతం ఆహలో చేస్తున్నాను. ఇదే నాలో వచ్చిన మార్పు అని తెలిపారు. అదే విధంగా ఈ వెబ్ సిరీస్ లో ఒక డైలాగ్ గురించి చెబుతూ ఆ డైలాగ్ కేవలం డైరెక్టర్ చెప్పమంటేనే తాను చెప్పానని షణ్ముఖ్ వెల్లడించారు. ఈ సిరీస్‌లో మనసు తప్ప ఏదైనా వెతికి ఇచ్చేస్తాను అనే డైలాగ్ డైరెక్టర్ కోసం చెప్పాను అంతకుమించి నాకేం తెలియదని ఈయన తెలిపారు. ఇకపోతే గత కొద్ది రోజులుగా డిప్రెషన్ లో ఉన్న తనకు సూర్యను కలవడం వల్ల ఆ డిప్రెషన్ మొత్తం తొలగిపోయిందని ముఖ్యంగా నేను చేసిన సూర్య అనే వెబ్ సిరీస్ నా ఫేవరెట్ హీరో సూర్య చూశారని తెలియగానే చాలా సంతోషం వేసిందని షణ్ముఖ్ వెల్లడించారు.