ప్రస్తుత కాలంలో ప్రతి ఒక్క సినిమాకి అధికారిక సోషల్ మీడియా ఖాతాలు ఉండటం సర్వసాధారణం అయింది. ఈ క్రమంలోనే ప్రతి ఒక్క సినిమాకి సినిమా పేరుతో సంబంధిత ట్విటర్ హ్యాండిల్ ప్రారంభించి ఆ సినిమాకు సంబంధించిన విషయాలన్నింటిని అధికారిక ట్విట్టర్ ఖాతా ద్వారా తెలియజేస్తున్నారు. ఈ క్రమంలోనే ప్రభాస్ హీరోగా పాన్ ఇండియా స్థాయిలో ప్రశాంత్ నీల్ దర్శకత్వంలో తెరకెక్కుతున్న సలార్ సినిమా కోసం మేకర్స్ అధికారిక ట్విట్టర్ హ్యాండిల్స్ ప్రారంభించారు.
ప్రభాస్ సలార్ సినిమా కోసం ట్విట్టర్ లో అఫిషియల్ గా Salaar The Saga పేరిట ట్విట్టర్ హ్యాండిల్ ను నిన్న ప్రారంభించారు. ఇక ఈ ట్విట్టర్ హ్యాండిల్ ప్రారంభించిన వెంటనే ఈ సినిమా టైటిల్ పోస్టర్ రిలీజ్ చేశారు. ఇకపై ఈ సినిమాకి సంబంధించిన అన్ని అప్డేట్స్ ఇందులోనే తెలియజేయనున్నారు. ఇలా ఈ సినిమా ట్విటర్ హ్యాండిల్ ఓపెన్ చేయగానే ఒక్కరోజు వ్యవధిలోనే ఏకంగా 40 కే ఫాలోవర్స్ ను సొంతం చేసుకుంది. అదేవిధంగా టైటిల్ పోస్టర్ 67.5 కే లైక్స్ సొంతం చేసుకుంది.
ఈ విధంగా ఒకరోజు వ్యవధిలోనే భారీస్థాయిలో ఫాలోవర్స్ ను ఏర్పరచుకోవడం చూస్తుంటేనే ఈ సినిమాకి ఎలాంటి క్రేజ్ ఉందో అర్థమవుతోంది. ఇక ప్రస్తుతం ఈ సినిమా 30 శాతం షూటింగ్ పూర్తి చేసుకుంది. త్వరలోనే ఈ సినిమా రెగ్యులర్ షూటింగ్ జరుపుకొని షూటింగ్ పనులు పూర్తి చేయనున్నట్లు తెలుస్తోంది. ఇక పోతే ఈ సినిమాలో ప్రభాస్ సరసన బాలీవుడ్ ముద్దుగుమ్మ దీపికా పదుకొనే హీరోయిన్ పాత్రలో నటించగా బాలీవుడ్ సూపర్ స్టార్ అమితాబ్ బచ్చన్ కీలక పాత్రలో నటిస్తున్నారు. ఇక ఈ సినిమా వచ్చే ఏడాది వేసవి సెలవులకు విడుదల కానున్నట్లు తెలుస్తోంది.