తెలుగు చలన చిత్ర పరిశ్రమ దగ్గర “క్రేజ్” అనే మాట వస్తే మొట్ట మొదటిగా గుర్తుకొచ్చే పేరు పవర్ స్టార్ పవన్ కళ్యాణ్. క్రేజ్ పరంగా అయితే టాలీవుడ్ లో ఎందరి స్టార్ దర్శకులు కూడా చెప్పే మాట ఇదే. అయితే ఈ తరహా క్రేజ్ అనేది హీరోయిన్స్ లో రావడం అయితే చాలా అరుదుగానే ఉంటుంది అని చెప్పాలి.
అలా భారీ క్రేజ్ ని సొంతం చేసుకున్న హీరోయిన్ గా ఏకంగా సుకుమార్ లాంటి స్టార్ దర్శకుడు లేడీ పవర్ స్టార్ అంటూ సాయి పల్లవి నిలిచింది. ఈమె క్రేజ్ కూడా ఇప్పుడు మాత్రం మామూలుగా లేదు. అది చూసే సుకుమార్ ఆమెకి లేడీ పవర్ స్టార్ అనే బిరుదు ఇచ్చాడు. మరి ఈ లేడీ పవర్ స్టార్ నిజంగానే పవర్ స్టార్ లేడీ ఫ్యాన్స్ లిస్ట్ లో చేరడం ఆసక్తిగా మారింది.
లేటెస్ట్ గా ఆమె హాజరైన ఓ టెలివిజన్ షోలో పవర్ స్టార్ పవన్ కళ్యాణ్ కోసం మాట్లాడుతూ అతని వ్యక్తిత్వం అంటే నాకు చాలా ఇష్టం అని తన పని తాను చేసుకుంటూ ఎక్కడా సూపర్ స్టార్ లా కనిపించడు అని అందుకే ఆయనంటే నాకు ఇష్టం అని సాయి పల్లవి తెలిపింది. దీనితో ఈ కామెంట్స్ ఇపుడు సోషల్ మీడియా మరియు పవన్ అభిమానుల్లో ఓ రేంజ్ లో వైరల్ గా మారిపోయాయి.