Jabardast comedianరాకింగ్ రాకేష్ హీరోగా చేస్తూ నిర్మాతగా కూడా వ్యవహరించిన సినిమా కేసీఆర్. గరుడవేగ అంజి దర్శకత్వం వహించిన ఈ మూవీ థియేటర్స్ లోకి ఈ రోజే వచ్చింది. గ్రీన్ టీ ప్రొడక్షన్స్ నిర్మించిన ఈ సినిమాలో నటి సత్య కృష్ణ కూతురు అనన్య కృష్ణ హీరోయిన్ గా నటించింది. ఇప్పటికే రిలీజ్ అయిన ఈ సినిమా టీజర్, ట్రైలర్లు ప్రేక్షకుల నుంచి పాజిటివ్ రెస్పాన్స్ అందుకుంది.
ఈ సినిమా గురించి రాకేష్ మాట్లాడుతూ వరంగల్ నేపథ్యంలో సాగే కథ ఇది. బంజారా కుటుంబంలో పుట్టిన కుర్రాడు వాళ్ళ ఊర్లో జరుగుతున్న దారుణాన్ని పరిష్కరించేందుకు హైదరాబాదు వస్తాడు, అక్కడ తనకు ఎదురైన సవాళ్లేంటి, అక్కడ తనేం సాధించాడు, ఆఖరికి తన ఊరి సమస్యను పరిష్కరించి ఎలా హీరో అయ్యాడు అన్నది కథాంశం. ఈ సినిమాలో కేసీఆర్ నటించారు. ఆయనకి తెలియకుండానే ఆయన్ని పెట్టి ఈ సినిమా తీశాను, ఇదే నా చిత్రానికి మంచి ఓపెనింగ్స్ ని తీసుకువస్తుంది.
మా ప్రయత్నాన్ని ఆశీర్వదించండి అని చెప్పకొచ్చాడు. ఇక ఈ సినిమా కోసం రాకింగ్ రాకేష్ అతని భార్య సుజాత వాళ్ల ఆస్తులు, కార్లు సైతం తాకట్టు పెట్టిన సంగతి అందరికీ తెలిసిందే. ఈ సినిమా ప్రమోషన్స్ కోసం కూడా రాకింగ్ రాకేష్ చాలా కష్టపడ్డాడు తన సినిమా పోస్టర్లని అర్ధరాత్రి పూట తానే గోడలకి అతికిస్తూ వినూత్నంగా పబ్లిసిటీ చేశాడు. అలాగే ఇప్పుడు తన సినిమా కేసీఆర్ మొదటి టికెట్ ని తానే సేల్ చేసి అందరి దృష్టిని ఆకర్షించాడు.
టికెట్స్ తీసుకుంటున్న ఆడియన్స్ కి థాంక్స్ కూడా చెప్పాడు. దీనికి సంబంధించిన వీడియో సోషల్ మీడియాలో పోస్ట్ చేశాడు రాకింగ్ రాకేష్. అతని కష్టానికి అతని శ్రమకి ఫిదా అవుతున్నారు ఆడియన్స్. హీరోగా, ప్రొడ్యూసర్ గా తన ప్రయత్నం సక్సెస్ అవ్వాలని కోరుకుంటున్నారు. ఇక ఇప్పటికే ఈ సినిమాని ప్రమోట్ చేస్తూ చాలామంది జబర్దస్త్ కమెడియన్స్ వచ్చారు. రోజా సైతం ఈ సినిమా ప్రమోట్ చేయడం కోసం ప్రీ రిలీజ్ ఈవెంట్ కి వచ్చిన సంగతి తెలిసిందే.