Rashmika: రష్మిక మందన ఇప్పుడు నేషనల్ క్రష్ గా బాగా పాపులర్. ఈ కన్నడ ముద్దు గుమ్మా ఛలో సినిమా తో నాగశౌర్యా సరసన నటించి ఈ సినిమా విజయం తో వెను తిరిగి చూసుకునే పనిలేకుండా అయింది. తర్వాత విజయ్ దేవరకొండ తో గీతాగోవిందం సినిమా తో నటనకు మంచి మార్కులే తెచ్చుకుంది. తర్వాత వచ్చిన సరిలేరు నీకెవ్వరు, భీష్మ సినిమాలతో టాప్ హీరోయిన్ అయిపోయింది.రీసెంట్ గా వచ్చిన పుష్ప తో ఆల్ ఇండియా లెవెల్ లో ఫ్యాన్ డమ్ పెంచుకుంది. తర్వాత వచ్చిన ఆడవాళ్లు మీకు జోహార్లు సినిమా తో కూడా అదరగొట్టేసింది.
తెలుగు,తమిళ,హిందీ భాషల్లో బిజీగా ఉన్న రష్మిక, ప్రస్తుతం రష్మిక బాలీవుడ్ లో వరుణ్ ధావన్ తో కలిసి నటిస్తోంది. అయితే షూటింగ్ లో బిజీగా ఉన్న రష్మిక, షూట్ గ్యాప్ లో ‘హలమితి హబిబో’ సాంగ్ కి వరుణ్ ధావన్ తో కలిసి డాన్స్ చేసి అదరగొట్టేసింది.
విజయ్ పూజ హెగ్డే కలిసి నటిస్తున్న ‘బీస్ట్’ సినిమాలోని’హలమితి హబిబో’ సాంగ్ ఎంత పాపులర్ అయ్యిందో అందరికీ తెలుసు. అభిమానులతో పాటు చాలామంది సెలబ్రిటీలు కూడా ఈ సాంగ్ కి రీల్స్ చేసి ఇంస్టాగ్రామ్ లో పోస్ట్ చేస్తున్నారు. తాజాగా ఈ వరుసలోకి రష్మిక కూడా చేరిపోయింది.ఓ బీచ్ లో షూటింగ్ జరుగుతుండగా షూటింగ్ గ్యాప్ లో వరుణ్ తో కలిసి ‘హలమితి హబిబో’ సాంగ్ కి డ్యాన్స్ వేసి తన సోషల్ మీడియాలో పోస్ట్ చేసింది రష్మిక. వరుణ్ ధావన్ కూడా ఆ వీడియోని షేర్ చేశాడు. ప్రస్తుతం ఈ వీడియో సోషల్ మీడియాలో వైరల్ అవుతుంది.