Seetha Ramam : ప్రస్తుతం రష్మిక వరుస చిత్రలతో బాలీవుడ్ లో ను టాలోవుడ్ లో ను బాగా బిజీగా వున్న సంగతి తెలిసిందే. పుష్ప సినిమా తరువాత పాన్ ఇండియా రేంజ్ లో బాగా పాపులర్ ఐపోయింది. ప్రస్తుతం దుల్కర్ సల్మాన్ తో ఒక సినిమా చేస్తున్న సంగతి తెలిసిందే.మలయాళ స్టార్ హీరో దుల్కర్ సల్మాన్, మృణాల్ ఠాకూర్ జంటగా రష్మిక ప్రధాన పాత్రలో హను రాఘవపూడి దర్శకత్వంలో ఒక సినిమా తెరకెక్కుతోంది.వైజయంతి మూవీస్ సమర్పణలో స్వప్న సినిమా పతాకంపై అశ్విని దత్‌, ప్రియాంక్‌ దత్‌ ఈ సినిమాను నిర్మిస్తున్నారు.
యుద్ధంతో రాసిన ప్రేమకథ అనే ట్యాగ్ లైన్ తో ఈ సినిమా నుంచి రిలీజ్ చేసిన పోస్టర్స్ ప్రేక్షకులను విశేషంగా ఆకట్టుకున్నాయి. ఇక తాజాగా నేడు శ్రీరామనవమి సందర్భంగా ఈ సినిమా టైటిల్ ని రిలీజ్ చేశారు. సీతారాముల ప్రేమకథకు గుర్తుగా ఈ సినిమాకు సీతా రామం అనే టైటిల్ ని ఫిక్స్ చేసినట్లు మేకర్స్ తెలిపారు. ఈ చిత్రం నుంచి శ్రీరామ నవమి సందర్భంగా మేకర్స్ ఫస్ట్ గ్లింమ్స్ రిలీజ్ చేశారు. ‘ఇది ఓ సైనికుడు శత్రువుకు అప్పగించిన యుద్ధం ఆఫ్రీన్… సీతారాములను నువ్వే కాపాడాలి’.. అంటూ ఓ మేల్ వాయిస్ తో గ్లింప్స్ స్టార్ట్ అయ్యింది. ఇందుకు రష్మిక ‘సీతారాములు ఎవరు?’.. అని ఆరా తీస్తూ.. ప్రశ్నలు సంధిస్తుంది. ఆ తర్వాత దుల్కర్ సల్మాన్, మృణాల్ ఠాకూర్ ఇద్దరు ఒకరినొకరు చూసుకునే సీన్ తో ఎండ్ అవుతుంది.
సుమంత్ వాయిస్ తో మొదలైన ఈ వీడియో ఆద్యంతం ఆకట్టుకుంది. యుద్దానికి వెళ్తున్న ఓ సైనికుడు.. అనుకోకుండా ఒక అమ్మాయిని చూసి ప్రేమలో పడితే.. ఆ ప్రేమ ఎలాంటి యుద్దానికి దారి తీసింది అనేది కథగా తెలుస్తోంది. ఇందులో రాముడిగా దుల్కర్ కనిపిస్తుండగా.. సీతగా మృణాల్ ఠాకూర్ కనిపించింది. ఇక సీతారాములను కలిపే ఆంజనేయుడి పాత్రలో రష్మిక కనిపిస్తున్నదని టాక్.