నా కళ్లలో కామం చూడండి.. ఆర్జీవీ మామూలుడో కాదు!!

రామ్ గోపాల్ వర్మ అంటేనే ఓ సంచలనం. నిండు చందురుడు ఒక వైపు చుక్కలు ఒకవైపు అన్నట్టు… జనమంతా ఓ వైపు ఉంటే ఆర్జీవీ మాత్రం మరో వైపు ఉంటాడు. గెలికి మరి వివాదాలు రేపడం ఆర్జీవీకి అలవాటే. అందరూ మరిచిపోయిన విషయాలను మళ్లీ గుర్తుకు తెచ్చి.. వాటిపైనే సెన్సేషనల్ అయ్యేలా సినిమాలను తెరకెక్కిస్తుంటాడు. వర్మ గురించి వార్తలు రాని రోజంటూ దాదాపు ఉండదు. సినిమా విషయాలేవీ లేకపోతే ఏదో ఒక విషయంపై తనదైన శైలిలో స్పందిస్తాడు.

ఆ మధ్య కరోనా వైరస్‌ మీద సెటైర్లు వేశాడు. డోనాల్డ్ ట్రంప్, అమెరికా ఎన్నికల మీద ఇలా ప్రతీ ఒక్క అంశం మీద ఆర్జీవీ వెరైటీగా స్పందిస్తూనే ఉంటాడు. తనకు అమ్మాయిలు, సెక్స్ అంటేనే ఇష్టమని మీడియా ముఖంగానే చెబుతుంటాడు. ఉదయాన్నే పోర్న్ చూస్తానని సెన్సేషనల్ కామెంట్స్ చేస్తుంటాడు. అందులో నిజమెంత ఉంటుందో ఆర్జీవీకే తెలియాలి. అలాంటి ఆర్జీవీ తనకు సెక్స్ కంటే ఎక్కువ ఇష్టమైంది ఒకటి ఉందని చెప్పాడు.

దీపావళి సందర్భంగా ఆర్జీవీ వరుసగా ట్వీట్లు చేస్తూనే ఉన్నాడు. దీపావళి పండుగ సందర్భంగా నా వంతుగా కాలుష్యం పెరగడానికి సహకరిస్తున్నాను.. దీపావళిని అజాగ్రత్తగా జరపుకోండి..మీ మొహం, కాళ్లు చేతులు కాల్చుకోండంటూ వెరైటీగా పోస్ట్‌లు చేశాడు. సెక్స్ కంటే పవర్ ఎక్కువ ఇష్టమని.. కావాలంటే ఈ పవర్ ఫుల్ క్రాకర్స్ వెలిగేందుకు నా కళ్లల్లో ఉన్న కామం చూడండి అంటూ వీడియోను షేర్ చేశాడు. ఏది ఏమైనా దీపావళి సందర్భంగా వర్మ చేసిన రచ్చ మాత్రం బాగానే క్లిక్ అయింది.