తమిళం నుంచి వచ్చిన బ్లాక్‌ బస్టర్‌ హారర్‌ చిత్రాలలో కాంచన ఫ్రాంచైజీ ఒకటి. ప్రముఖ కొరియోగ్రాఫర్‌, నటుడు దర్శకుడు రాఘవ లారెన్స్‌ దర్శకత్వంలో వచ్చిన ఈ చిత్రాలు సూపర్‌ హిట్‌ అందుకున్నాయి. ఇప్పటికే ఈ ఫ్రాంచైజీలో ముని, కాంచన 2, కాంచన 3 చిత్రాలు వచ్చి మంచి విజయాలను అందుకున్నాయి.
ఇప్పుడు తాజాగా ఈ ఫ్రాంచైజీ నుంచి ‘కాంచన 4’ను అనౌన్స్‌ చేశారు రాఘవ లారెన్స్‌. ఈ సందర్భంగా పోస్టర్‌ను కూడా విడుదల చేశాడు. ఇక రాఘవ లారెన్స్‌ స్వీయ దర్శకత్వంలో వస్తున్న ఈ సినిమా షూటింగ్‌ సెప్టెంబర్‌లో ప్రారంభం కానున్నట్లు ప్రకటించారు. 2025 సమ్మర్‌లో ఈ సినిమాను ప్రేక్షకుల ముందుకు తీసుకురానున్నట్లు తెలిపారు.