ప్రభాస్.. ఈ పేరుకు ప్రత్యేక పరిచయం అవసరం లేదు. ప్రభాస్ ఇండియాలోనే కాకుండా ప్రపంచమంత పాపులర్ అయ్యాడు. దానికి కారణం ప్రభాస్ రాజమౌళి దర్శకత్వంలో చేసిన బాహుబలి సినిమా. ఆ సినిమా భారీ వసూళ్లతో పాటు తెలుగు సినిమా ఇండస్ట్రీ స్టామినాను ప్రపంచానికి తెలియజేసింది.
కేవలం బాహుబలి సినిమాతోనే ప్రభాస్ ప్యాన్ ఇండియా హీరోగా అవతరించలేదు. అంతకుముందు అతను చేసిన సినిమాలతో కూడా తానెంటో ప్రూవ్ చేసుకున్నాడు. మరీ పాన్ ఇండియా స్టార్ అయిన ప్రభాస్‌తో సినిమాలు చేయాలని సినిమా మేకర్స్, డైరెక్టర్స్ అందరూ ఎంతో ఎదురు చూస్తున్నారు. కానీ అతనేమో భారీ పాన్ ఇండియా, పాన్ వరల్డ్ ప్రాజెక్టులతో బిజీగా ఉన్నారు.
అయితే అతను నటించిన రాధే శ్యామ్ విడుదల అయ్యింది. అయితే గతంలో ఆ సినిమా ప్రమోషన్స్ లో భాగంగా జరిగిన ఒక ఇంటర్వ్యూలో రిజల్ట్ కోసం ప్రభాస్ ఆసక్తిగా ఎదురుచూస్తున్నాడని తెలిపాడు. బాహుబలితో పాన్-ఇండియా స్టార్‌గా మారిన ప్రభాస్, తన ప్రేమకథకు భిన్నమైన ప్రేమకథను ఎంచుకుని అందులోకి అడుగుపెట్టానంటూ వచ్చిన వ్యాఖ్యలపై స్పందించడం జరిగింది.
గతంలో రాధే శ్యామ్‌ను సినిమాను ప్రమోట్ చేస్తూ ఓ మీడియా సంస్థకు ఇచ్చిన ఇంటర్వ్యూలో ప్రభాస్ ఈ విధంగా వ్యాఖ్యలు చేయడం జరిగింది. తనకున్న ఇమేజ్ ఆధారంగా ప్యూర్ లవ్ స్టోరీ చేయడం సాహసమేనని ఆయన అన్నారు. తన అభిమానుల గురించి, తాను పరిశ్రమలో 20 ఏళ్లకు పైగా ఉన్నానని, ఇంకా స్టేజ్‌పై ఉండడానికి సిగ్గుపడుతున్నానని తనకు తాను చమత్కరించుకున్నాడు.
అతను ఫ్యాన్స్‌తో పెద్దగా మాట్లాడకపోయినా సోషల్ మీడియాలో యాక్టివ్‌గా లేకపోయినా తనకు ప్రాణం పోసే అభిమానులను తలుచుకున్నప్పుడల్లా అది తన పూర్వజన్మ అదృష్టంగా భావిస్తున్నానని చెప్పారు. నిజానికి అయితే రాధే శ్యామ్ సినిమాపై అభిమానుల్లో కూడా కొన్ని సందేహాలు ఉన్నాయి. యాక్షన్ సినిమాలకు అలవాటు పడిన సగటు ప్రేక్షకుడు ప్రభాస్‌ను ప్రేమికుడిగా ఎంతవరకు అభినందిస్తాడో అనే సందేహం చాలామందిలో ఉంది.
ఈ విషయాలన్నీ తన దృష్టికి రావడంతో రాధే శ్యామ్ లో నటించడం సాహసమేనని, ముందుగా అభిమానులను మానసికంగా సిద్ధం చేసుకుంటున్నాడని ప్రభాస్ వ్యాఖ్యానించాడు. అయితే ఈ సినిమా తెలుగుతో పాటు పాన్ ఇండియా లెవెల్లో రిలీజ్ అయ్యింది. దీనికి కారణం ప్రభాస్ ప్యాన్ ఇండియా ఇమేజ్ మాత్రమే. కానీ ఈ సినిమా తెలుగు ఇంకా వేరే భాషలలో అంతగా ఆడలేక పోయిన హిందీలో మాత్రం కాస్త మంచి టాక్ ను సంపాదించుకుంది. ఇంకా భారీ వసూళ్లను రాబట్టింది.
ఇక మిగతా సినిమాల విషయానికి వస్తే ప్రభాస్ ఆదిపురుష్ సంక్రాంతి రేసు నుంచి తప్పుకుందనే వార్తలు బలంగా వినిపిస్తున్నాయి. మరో వైపు ప్రభాస్.. ప్రశాంత్ నీల్ దర్శకత్వంలో రూపొందుతోన్న సలార్ చిత్రంలో, నాగ్ అశ్విన్ దర్శకత్వంలో రూపొందుతోన్న ప్రాజెక్ట్ K చిత్రంలో నటిస్తున్నారు. దీనితో పాటు మారుతి డైరెక్షన్లో కూడా ఒక సినిమాను చేస్తున్నట్లు ఆ సినిమా షూటింగ్ ను కూడా సీక్రెట్ గా ప్రారంభించినట్లు తెలిసింది. ఈ చిత్రాలు అన్ని వచ్చే ఏడాది ఆడియన్స్‌ని అలరించబోతున్నాయి. ప్రభాస్ ఫ్యాన్స్ కి కన్నులవిందుగ ఉండనుంది.