పూనమ్ కౌర్ చర్యలన్నీ ఎప్పుడూ ఆశ్చర్యపరిచేలానే ఉంటాయి. ఆమె మాటలు, చేష్టలు, ట్వీట్లు అన్నీ కూడా అవాక్కయ్యేలా చేస్తాయి. అసలు ఆమె మనసులో ఉన్న ఉద్దేశ్యం ఏంటో ఎవ్వరికీ తెలీనట్టుగానే, చెప్పీ చెప్పనట్టుగానే చెబుతుంది. ఆమె పవన్ కళ్యాణ్, త్రివిక్రమ్‌లపై చేసే పరోక్ష కామెంట్లతో ఇంత పాపులర్ అయింది. ఇక ఆ మధ్య బిగ్ బాస్ నాల్గో సీజన్ ప్రారంభ సమయంలోనూ పూనమ్ కౌర్ వైరల్ అయింది.
నాల్గో సీజన్‌లో పాల్గొంటానని బిగ్ బాస్ టీంను పూనమ్ సంప్రదించిందని..కానీ వారే ఒప్పుకోలేదని వార్తలు వచ్చాయి. వాటిని పూనమ్ కౌర్ ఖండించింది. బిగ్ బాస్ టీం తనను సంప్రదించింది.. కానీ తానే షోలోకి వచ్చేందుకు ఆసక్తి చూపలేదని, అలా తప్పుడు వార్తలు రాసేవారిపై భగ్గుమంది. ప్రతీసారి మీడియాపై పూనమ్ కౌర్ శివాలెత్తుతూనే ఉంటుంది. కొందరు తనపై కావాలనే వార్తలు రాస్తుంటారని పెయిడ్ మీడియా అంటూ ట్వీట్లు చేస్తుంటుంది.
తాజాగా పూనమ్ కౌర్ కొన్ని ఫోటోలను షేర్ చేసింది. అందులో పూనమ్ తన ఎద భాగంపై పొడిపించుకున్న ట్యాటూ వైరల్ అవుతోంది. త్రిశూలం, నాగుపామును టాటూగా వేసుకుని అందరినీ ఆశ్చర్యపరిచింది. ఎద భాగాన్ని ఎక్స్ పోజ్ చేస్తు తన టాటూను అందరికీ చూపించింది. త్రిశూలం అంటే శివుడికి గుర్తు అని చెప్పుకొచ్చింది. మొత్తానికి పూనమ్ ఫోటోలు తెగ వైరల్ అవుతున్నాయి. కొందరు పూనమ్ చర్యలను సమర్దిస్తే ఇంకొందరు వ్యతిరేకిస్తున్నారు.