టాలీవుడ్ స్టార్ హీరోస్ లో భారీ రెమ్యూనరేషన్ తీసుకుంటున్న వారిలో గాడ్ ఆఫ్ మాసెస్ పవర్ స్టార్ పవన్ కళ్యాణ్ కూడా ఒకరు. మరి టాలీవుడ్ లో అందరి హీరోస్ లెక్క ఒకటైతే పవన్ లెక్క మాత్రం వేరేలా ఉంటుంది. మిగతా హీరోలు సినిమా మొత్తానికి రెమ్యునరేషన్స్ తీసుకోవడం గాని లేదా ముందు తీసుకోకుండా సినిమాకి వచ్చే లాభాల నుంచి షేర్ తీసుకోవడం గాని చేస్తూ ఉంటారు.
కానీ పవన్ మాత్రం తన రోజుకి ఇంత అని తీసుకుంటున్నారు. అలాగే ఇప్పుడు చేస్తున్న ఓ రీమేక్ రెమ్యునరేషన్ విషయంలో ఉన్న టాక్ కి తాను స్వయంగా క్లారిటీ ఇవ్వడం వైరల్ గా మారింది. లేటెస్ట్ గా పవన్ అయితే సాయి ధరమ్ తేజ్, సముద్రఖని కాంబినేషన్ లో ఓ రీమేక్ చేస్తున్న సంగతి తెలిసిందే.
మరి ఈ సినిమాకి పవన్ మూడు వారాలు పాటు కాల్షీట్స్ ఇవ్వగా ఒకో రోజు కి గాను 2 కోట్లకి పైగానే రెమ్యునరేషన్ తీసుకుంటున్నట్టుగా టాక్ ఉంది. మరి దీనిపై పవన్ మాట్లాడుతూ తాను 22 రోజులు ఈ సినిమాకి కేటాయించగా ఒకో రోజుకి 2 కోట్లకి పైగా పారితోషకంగా తీసుకుంటున్నాని అలా ఈ సినిమాకి 45 కోట్లు మేర తాను జీతం అందుకుంటున్నాని తెలిపారు. అయితే ఇది తనపై పొలిటికల్ పరంగా వస్తున్న విమర్శలకు క్లారిటీ గా చెప్పగా దీనితో తన రెమ్యునరేషన్ పై కూడా క్లారిటీ వచ్చింది అని చెప్పాలి.