బొమ్మ అదిరింది షో గురించి ప్రత్యేకంగా పరిచయం చేయనక్కర్లేదు. జబర్దస్త్‌కు పోటీగా నితిన్ భరత్, నాగబాబు అందరూ కలిసి అదిరింది అనే షోను ప్రారంభించారు. ఓ 25 ఎపిసోడ్‌లు బాగానే లాగించారు. ఇక ఆపై ఆ షోను బొమ్మ అదిరిందిగా మార్చేశారు. ఇలా మార్చడంతో షో లెవెల్ మారిపోయింది. మొదటి ఎపిసోడ్‌తోనే ఆంధ్రప్రదేశ్ రాష్ట్రంలో ప్రకంపనలు సృష్టించింది. ప్రతీ వారం కొత్తగా గెస్ట్‌లను పిలుస్తూ అదిరిపోయేలా ప్లాన్ చేస్తున్నారు.
ఇక ఈ బొమ్మ అదిరిందిలో శ్రీముఖి, డ్యాన్సర్ పండు, జానీ మాస్టర్, నాగబాబు వేసే పంచులు బాగా వైరల్ అవుతుంటాయి. మరీ ముఖ్యంగా నాగబాబు స్కిట్ల మధ్యలో వేసే సెటైర్లు బాగానే వైరల్ అవుతుంటాయి. గతవారంలో అగ్రిమెంట్ అధారంగా చమ్మక్ చంద్ర స్కిట్ వేశాడు, ఆ టాస్క్‌లో భాగంగా కౌంటర్లు వేస్తూ.. పరోక్షంగా మల్లెమాల, జబర్దస్త్ షోను టార్గెట్ చేశాడు. అగ్రిమెంట్ల పేరుతో పది లక్షలు వసూళ్ చేస్తారంటూ కామెంట్స్ చేశారు.
నాగబాబు చేసిన ఆ కామెంట్స్ బాగానే హల్చల్ చేశాయి. తాజాగా తన విగ్‌పైనా నాగబాబు సెటైర్లు వేసుకున్నాడు. స్కిట్‌లో భాగంగా జుట్టులేని ఓ వ్యక్తి దువ్వెనను చూసుకుంటూ మురిసిపోతాడు. ఆ సమయంలో నాగబాబ స్పందిస్తూ.. మా పరిస్థితి కూడా అంతేరా అంటూ తన విగ్‌పై తానే సెటైర్ వేసుకున్నాడు. నాగబాబు అలా విగ్‌పై సెటైర్ వేసుకోవడంతో అందరూ పగలబడి నవ్వేశారు.
